ދަރްމާސިސްވާ ސްކޮލަރޝިޕަށް ކުރިމަތިލުމަށް ފުރުސަތު ހުޅުވާލައިފި
23 ފެބުރުއަރީ 2019 | ހޮނިހިރު 11:32އެމްކިޔުއޭއިން ޤަބޫލުކުރާ ކޯހެއްކަން ކަށަވަރުކުރުން މުހިންމު
ދަސްވެނިވުމުގެ ރަސްމިއްޔާތެއްގެ ތެރެއިން
އިންޑޮނޭޝިޔާގައި ހިންގުމަށް ހަމަޖެހިފައިވާ ދަރްމާސިސްވާ ސްކޮލަރޝިޕަށް ކުރިމަތިލުމަށް ފުރުސަތު ހުޅުވާލައިފިއެވެ.
މިނިސްޓްރީ އޮފް ހަޔަރ އެޑިޔުކޭޝަނުން ބުނީ އިންޑޮނޭޝިޔާގައި ހިންގުމަށް ހަމަޖެހިފައިވާ ޕްރޮގްރާމްތަކުގައި ބައިވެރިވުމުގެ ފުރުސަތު އޮތް ކަމުގައި އިންޑޮނޭޝިޔާގެ ސަރުކާރުން އަންގާފައިވާ ކަމަށެވެ.
ފުރުސަތު ހުޅުވާލައިފައިވާ ދެ ކޯހަކީ އިންޑަނޭސިއަން ބަހާސަ އަދި އާރޓް އެންޑް ކަލްޗަރއެވެ.
ހަޔަރ އެޑިޔުކޭޝަނުން ބުނީ މިކޯސްތަކަށް ހޮވޭ ފަރާތްތަކުން، ކޯހަށް ފުރުމުގެ ކުރިން ކޯސް ހިންގާ އިންސްޓިޓިއުޓަކީ މޯލްޑިވްސް ކޮލިފިކޭޝަން އޮތޯރިޓީ (އެމްކިޔުއޭ) އިން ޤަބޫލުކުރާ ޔުނިވަރސިޓީއެއްތޯ އާއި، ހޮވިފައިވާ ކޯހަކީ އެމްކިޔުއޭ އިން ޤަބޫލުކުރާ ކޯހެއްތޯ ކަށަވަރު ކުރުމަށް އެދޭ ކަމަށެވެ.
މިސްކޮލަރޝިޕްގައި ބައިވެރިވުމަށް ޝައުގުވެރިވާ ފަރާތްތަކަށް ކޯސްތަކާ ބެހޭ އިތުރު މައުލޫމާތާއި، އޮންލައިން އެޕްލިކޭޝަން ހުށަހަޅަންވީ ގޮތުގެ މައުލޫމާތު މިނިސްޓްރީގެ ވެބްސައިޓްގައި ވަނީ ހިމަނާފައެވެ އޮންލައިން އެޕްލިކޭޝަން ހުށަހެޅުމުގެ އެންމެފަހު ތާރީޚަކީ 1 މާރޗް 2019 އެވެ.
