އައްޑޫ އަށް ދަތުރުކުރަމުން ދިޔަ ދޯންޏެއްގެ އިންޖީން ހުއްޓިގެން ކޯސްޓްގާޑުން ހަރަކާތްތެރިވާން ފަށައިފި
ހާދިސާގެ މައުލޫމާތު ލިބުނީ ފަތިހު
ސިމާހާ ނަސީމް | 20 ފެބުރުއަރީ 2019 | ބުދަ 05:54
ކޯސްޓްގާޑު
މާލެއިން ފުރައިގެން އައްޑޫއަށް ދަތުރުކުރަމުން ދިޔަ ރަންޑި ނަމަކަށް ކިޔާ ބޯޓެއް ހުވަދޫ ކަނޑުން އިންޖީނު ހުއްޓިގެން އެމްއެންޑީއެފްގެ ކޯސްޓްގާޑުން ހަރަކާތްތެރިވާން ފަށައިފިއެވެ.
އެމްއެންޑީއެފުން ބުނީ މި ހާދިސާގެ ރިޕޯޓް އެމްއެންޑީއެފަށް ލިބިފައިވަނީ ބުދަ ދުވަހުގެ ފަތިހު 05:55 ހާއިރު ކަމަށާއި ކޯސްޓްގާޑުގެ ލޯންޗެއް އެ ބޯޓު ކައިރީގައި ހަރަކާތްތެރިވަމުންދާ ކަމަށެވެ.
ބޯޓުގެ ވެރިފަރާތުން ބޯޓް ކަފު ޖަހާނެ އުޅަނދެއް ހަމަޖެއްސުމުގެ މަސައްކަތް ކުރަމުންދާ ކަމަށް ވެސް އެމްއެންޑީއެފުން ބުންޏެވެ.
މި ބޯޓަކީ 80 ފޫޓުގެ ބޯޓެކެވެ.
