'ދަ އެކްސިޑެންޓަލް ޕްރައިމް މިނިސްޓަރ'ގެ ތަރިންނާއި ދެކޮޅަށް މައްސަލަ ހުށަހަޅައިފި

'ދަ އެކްސިޑެންޓަލް ޕްރައިމް މިނިސްޓަރ' ގިނަ ބަޔަކު ފާޑުކިޔާފައުވާއިރު، މިފިލްމުގެ ތަރިންނާއި ދެކޮޅަށް މައްސަލަ ހުށަހަޅައިފިއެވެ.

މި ފިލްމާއި ދެކޮޅަށް ލޯޔަރު ސުދިރު ކުމާރު ވަނީ މިފިލްމުގެ ލީޑު ރޯލުން ފެނިގެންދާ ތަރިންގެ ތެރޭގައި ހިމެނޭ އަނޫޕަމް ޚޭރުއާއި، އަކްޝޭ ކަންނާގެ އިތުރުން އިތުރު 12 މީހަކާއި ދެކޮޅަށް މައްސަލަ ހުށަހަޅާފައެވެ.

މިފަރާތްތަކާއި ދެކޮޅަށް މައްސަލަ ހުށަހެޅީ މިފިލްމަކީ އިންޑިއާގެ ކުރީގެ ބޮޑުވަޒީރު މަންމޯހަން ސިންގއާއި އަދި ސިޔާސީ އެކި ފަރާތްތަކުގެ ނުރަނގަޅު ކަންކަން ދައްކުވައިދީފައިވާތީއެވެ. އަދި މިކަމުން މުޖުތަމައުގެ ތެރޭގައި ތަފާތު މައްސަލަތައް ކުރިމަތިވެފައިވާތީއެވެ.

ޖެނުއަރީ 11 ވަނަ ދުވަހު ރިލީޒްކޮށްފައިވާއިރު މިއީ 2004 ވަނަ އަހަރުން ފެށިގެން 2014އިގެ ނިޔަލަށް އިންޑިޔާގެ ބޮޑުވަޒީރުކަން ކުރައްވާފައިވާ މަންމޯހަން ސިންގްގެ ބައޮގްރަޕީގެ މައްޗަށް ތައްޔާރުކޮށްފައިވާ ފިލްމެކެވެ.

މިފިލްމުގައި މަންމޯހަން ސިންގްގެ ރޯލުން ފެނިގެންދާ އަނޫޕަމް ކޭރު ވަނީ އޭނާގެ ކުރިއަށް އޮތް މިފިލްމާ މެދު އާންމުން ދެކޭ ގޮތް ބެލުމަށް ވަނީ އާންމުންނާ ބައްދަލުކޮށް ވާހަކަދައްކާފައެވެ.

ވިޖޭ ރަތްނަކަރު ޖުއްޓޭ ޑައިރެކްޓަރކުރާ މި ފިލްމުގައި އަކްޝޭ ކަންނާ ފެނިގެންދާނީ ބޮޑު ވަޒީރުގެ މީޑިޔާ އެޑްވައިޒަރުގެ ގޮތުގައެވެ. އަދި ދިވްޔާ ސޭތް ޝާޙް ފެނިގެންދާނީ އަނޫޕަމް އަންހެނުންގެ ރޯލުންނެވެ.

މިފިލްމު ރިލީޒްކުރި ފުރަތަމަ ދުވަހު 4.50 ކްރޯރް ރުޕީސް ލިބިފައިވާއިރު، ޖެނުއަރީ މަސް ނިމުނުއިރު 31 ކްރޯރް ރުޕީސްވަލީ ލިބިފައެވެ. މިއީ 30 ކްރޯރް ރުޕީސްގެ ބަޖެޓަކުން ތައްޔާރުކުރި ފިލްމެކެވެ.