މަނަދޫ ކުނިގޮނޑިގައި އަލިފާން ރޯވެ އަނދަނީ
13 ފެބުރުއަރީ 2019 | ބުދަ 18:58ކުނިގޮނޑާއި ޖެހިގެން ހުރީ ނަރުދަމާ އިމާރަތް
އަމްނާ އިމާދު | 13 ފެބުރުއަރީ 2019 | ބުދަ 18:58
މަނަދޫ ކުނިގޮނޑިގަ ރޯވެ އަނދަމުންދަނީ
ނ. އަތޮޅު މަނަދޫ ކުނިގޮނޑިގައި ވަރަށް ބޮޑަށް އަލިފާން ރޯވެއްޖެ އެވެ.
ފުލުހުން ބުނީ މަނަދޫ ކުނިގޮނޑުގައި ވަރަށް ބޮޑަށް އަލިފާން ރޯވެ އަނދަމުންދާ ކަމަށާއި، ކުނިގޮނޑާއި ޖެހިގެން ހުރީ ނަރުދަމާ އިމާރަތްކަމުން އަލިފާނުގެ އަސަރު އެތަނަށް ކުރިޔަ ނުދިނުމަށް ފުލުހުންނާއި ކައުންސިލް ގުޅިގެން މަސައްކަތް ކުރަމުން އަންނަ ކަމަށެވެ.
ފުލުހުން ބުނީ އެރަށުގައި އަލިފާން ނިއްވާ ޕަމްޕެއް ނެތުމުން ސޮނޭވާ ޖާނީ ރިސޯޓްގައި އެދިގެން މިހާރު ވަނީ ޕަމްޕަކާއި އެކު އަލިފާން ނިއްވާ މީހުން އައިސްފައި ކަމަށެވެ.
ފުލުހުންނާއެކު އެޓީމްވެސް މަސައްކަތް ކުރަމުން އަންނައިރު އަލިފާން ކޮންޓްރޯލް ނުވާ ކަމަށް ފުލުހުން ބުންޏެވެ.
މަނަދޫ ކުނިގޮނޑު ހުންނަނީ އާއްމުން ދިރިއުޅޭ ސަރަހައްދާއި ވަރަށް ދުރުގައެވެ.
