ރައްޔިތުން އެޖެންޑާ 19 އަށް ހޭލުންތެރިކުރުމަށް ޕްރޮގްރާމްތަކާއި ޕެނަލް ޑިސްކަޝަން ބާއްވަނީ
13 ފެބުރުއަރީ 2019 | ބުދަ 07:502 ފޯމް ފިޔަވައި ހުރިހާ ފޯމެއް އީސީއަށް ހުށަހަޅައިފިން
އެމްޑީޕީން ބޭއްވި ނޫސްވެރިންގެ ބައްދަލުވުމުގައި
ރައްޔިތުން އެޖެންޑާ19 އަށް ހޭލުންތެރިކުރުމައްޓަކައި ޕްރޮގުރާމްތަކާއި ޕެނަލް ޑިސްކަޝަން ކުރިޔަށް ގެންދިޔުމަށް އެމްޑީޕީން ނިންމައިފިއެވެ.
ބުދަ ދުވަހު އެމްޑީޕީ ހަރުގޭގައި ނޫސްވެރިންނާ ބައްދަލު ކުރައްވަމުން އެ ޕާޓީގެ ޑެޕިއުޓީ ސެކްރެޓަރީ ޖެނެރަލް އަފްޝަން ލަތީފް ވިދާޅުވީ، ކޮންމެ ހަފްތާއަކު ވެސް އެޖެންޑާ 19 ގައި ހިމެނޭ މައުޟޫއަކަށް ވާހަކަ ދެއްކުމާއި މައުލޫމާތު ފޯރުކޮށްދިނުންން އޮންނާނެ ކަމަށެވެ. އެގޮތުން ކޮންމެ ބުދަ އަދި ހޮނިހިރު ދުވަހުގެ ރޭ ރާއްޖެޓީވީން އެޖެންޑާ19 ކިޔާ ޕްރޮގުރާމެއް ގެނައުމުގެ އިތުރުން ކޮންމެ ބުރާސްފަތި އަދި ހޮނިހިރު ދުވަހު ޕެނަލް ޑިސްކަޝަންއެއް ދަރުބާރުގޭގައި ކުރިޔަށް ގެންދާނެ ކަމަށް އަފްޝަން ވަނީ ވިދާޅުވެފައެވެ. މި ޕެނަލް ޑިސްކަޝަންތަކުގައި ސުވާލު ކުރުމުގެ ފުރުސަތު ހުރިހާ ފަރާތްތަކަށް ވެސް އޮންނާނެ ކަމަށާއި އެކި މައުޟޫތަކަށް ބަހުސް ކުރުމުގެ އިތުރުން މައުލޫމާތު ހިމެނޭ ލީފްލެޓްތައް ބެހުމަށް ވަނީ ހަމަޖެހިފައެވެ،
ނޫސްވެރިންގެ ބައްދަލުވުމުގައި އަފްޝަން އިތުރަށް ވިދާޅުވީ މައުލޫމާތު ފުރިހަމަ ނުވުމުގެ ސަބަބުން އިލެކްޝަންސް ކޮމިޝަނުން ބަލައިނުގަތް 10 ފޯމުގެ ތެރެއިން 2 ފޯމް ފިޔަވައި ހުރިހާ ފޯމެއް ހުށަހަޅައިފައިވާ ކަމަށެވެ. 2 ކެންޑިޑޭޓުންގެ ފޯމުގެ މައުލޫމާތު ފުރިހަމަކޮށް ވީ އެންމެ އަވަހަކަށް ހުށައެޅުމަށް މަސައްކަތްކުރާކަމަށް ވެސް އަފްޝަން ވަނީ ވިދާޅުވެފައެވެ.
ކުރިޔަށް އޮތް ރައްޔިތުންގެ މަޖިލީހުގެ އިންތިހާބު އެމްޑީޕީއަށް ކާމިޔާބު ކުރެވޭނީ، ކޮންމެ ދާއިރާއަކުން ވެސް އެޕާޓީގެ މެމްބަރުންނަށް ވޯޓު ދީގެން ކަމަށާއި، ކޮންމެ ދާއިރާއެއްގައި ވެސް ގޮނޑި ކާމިޔާބު ކުރެވޭ ވަރަށް ޕާޓީގެ މެމްބަރުން ތިބި ކަމަށް އެޕާޓީގެ ރައީސް މުހައްމަދު ނަޝީދު ވަނީ މިގެކުރިން ވިދާޅުވެފައެވެ.
