ކ. މާލެ
|
12 ފެބްރުއަރީ 2019 | އަންގާރަ 23:15
ސްޓެލްކޯގެ މެނޭޖިންގް ޑިރެކްޓަރުގެ މަގާމަށް އައްޔަނު ކުރި މުހައްމަދު ރަޝީދު
ސްޓެލްކޯގެ މެނޭޖިންގް ޑިރެކްޓަރުގެ މަގާމަށް އައްޔަނު ކުރި މުހައްމަދު ރަޝީދު
ޓްވިޓަރ
ސްޓެލްކޯ
ސްޓެލްކޯގެ ޗެއާމަނަކަށް މުހައްމަދު ރަޝީދު
 
މުހައްމަދު ރަޝީދުއަކީ މީގެ ކުރިން ވެސް ސްޓެލްކޯގެ ސީއީއޯ ކަމާއި ޑެޕިއުޓީ މެނޭޖިން ޑިރެކްޓަރުގެ މަގާމު އަދާކުރައްވާފައިވާ ބޭފުޅެއް

ސްޓޭޓް އިލެކްޓްރިކް ކޮމްޕެނީގެ (ސްޓެލްކޯގެ) ބޯޑް އޮފް ޑިރެކްޓަރސްގެ ޗެއާމަނަކަށް މުހައްމަދު ރަޝީދު އައްޔަނުކޮށްފިއެވެ.

ސްޓެލްކޯއަށް ގިނަ ދުވަސްތަކެއް ވަންދެން ހިދުމަތް ކޮށްދީފައިވާ މުހައްމަދު ރަޝީދުއަކީ މީގެ ކުރިން ވެސް ސްޓެލްކޯގެ ސީއީއޯ ކަމާއި ޑެޕިއުޓީ މެނޭޖިން ޑިރެކްޓަރުގެ މަގާމު އަދާކުރައްވާފައިވާ ބޭފުޅެކެވެ. މުހައްމަދު ރަޝީދު އެންމެ ފުރަތަމަ މަސައްކަތް ކުރެއްވީ އެ ކުންފުނީގެ އިންޖީނިއަރެެެއްގެ ގޮތުގަ އެވެ.

ރައީސް ސޯލިހުގެ ވެރިކަމުގައި ސްޓެލްކޯއަށް ގެނައި ބަދަލުތަކުގެ ދަށުން، ކުރިން އެ ކުންފުނީގެ އެމްޑީއަކަށް ހުރި ހަސަން ޒުހޫރު ވަކިކުރުމަށް ފަހު އެމްޑީއަކަށް އައްޔަނުކޮށްފައިވަނީ ހަސަން މުގުނީއެވެ. މުގްނީއަކީ ރައީސް ޔާމިނުގެ ސަރުކާރުގައި ވެސް 2014 ޖެނުއަރީ 23 އިން ފެށިގެން އެ އަހަރުގެ ޖޫން މަހުގެ އަށްވަނަ ދުވަހުގެ ނިޔަލަށް އެ ކުންފުނީގެ އެމްޑީކަން ކުރެއްވި ބޭފުޅެކެވެ.

މާލެއާއި އަތޮޅު ތެރޭގައި ކަރަންޓު ފޯރުވައިދިނުމުގެ ހިދުމަތް ދެމުން އަންނަ ސްޓެލްކޯއިން، މިހާރު މާލެއާއި ރާއްޖޭގެ އިތުރު ރަށްތަކުގައި 50000އަށް ވުރެ ގިނަ ކަސްޓަމަރުން ހިދުމަތް ހޯދަމުން ދެއެވެ. ސްޓެލްކޯއަކީ ދިވެހި ދައުލަތުގެ 100 އިންސައްތަ ހިއްސާ އޮންނަ ކުންފުންޏެކެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: ހުސެން ފިޔާޒް
0%
0%
0%
0%
0%
0%
ކޮމެންޓް