ރާއްޖޭގައި މިހާތަނަށް ހޮވި އެންމެ ބޮޑު މާވަހަރުގެ ސާމްޕަލް ނަތީޖާ ލިބެން މަހެއްހާ ދުވަސް ވާނެ
11 ފެބުރުއަރީ 2019 | ހޯމަ 04:12އަހުމަދު މަނިކު ހޮވާފައިވަނީ 82 ކިލޯގެ ހުދަންބަރު މާވަހަރެއް
ރާއްޖޭގައި މިހާތަނަށް ހޮވި އެންމެ ބޮޑު މާވަހަރު ފީވަކަށް އަރުވަނީ
މިމަހުގެ އެއް ވަނަ ދުވަހު ށ. ފީވަކު އަހުމަދު ހަސަން ހޮވި ހުދަންބަރު މާވަހަރުގެ ސާމްޕަލް ނަތީޖާ ލިބެން މަހެއްހާ ދުވަސް ވާނެ ކަމަށް އޭނާ ބުނެފިއެވެ.
އަހުމަދު ހަސަން ބުނީ އޭނާ ހޮވި 82 ކިލޯގެ މާވަހަރު ޓެސްޓު ކުރުމަށް ރާއްޖެއިން ބޭރަށް ފޮނުވާފައިވާ ކަމަށެވެ.
"ޓެސްޓުގެ ނަތީޖާ އަންނަން ގާތްގަނޑަކަށް މަހެއްހާ ދުވަސް ވާނެ. މިހާރު ސާމްޕަލްތައް ވަނީ ޓެސްޓު ކުރަން ބޭރަށް ފޮނުވާފައި" އޭނާ ބުންޏެވެ.
އަހުމަދު މަނިކަށް މާވަހަރު ފެނިފައިވަނީ އޭނާ އެކަނި މަސްބާނަން އުޅެނިކޮށެވެ. މާވަހަރު ފެނުމާއެކު އެ ނުނެގިގެން ވާގަނޑެއްގައި ކަފުޖަހައިގެން ރަށަށް ގެނައީ ކަމަށް އަހުމަދު ހަސަން ބުންޏެވެ.
އަހުމަދު ހަސަން ހޮވި 82 ކިލޯގެ މާވަހަރު
ދުނިޔޭގެ ބާޒާރުގައި ހުދަންބަރު މާވަހަރެއް އުޅެނީ ގްރާމެއް ގާތްގަނޑަކަށް 35 ޑޮލަރަށެވެ. އެއީ ކިލޯގެ ގޮތުން ބަލާނަމަ ކިލޯއެއް 35،000 ޑޮލަރެވެ. އެހެންކަމުން 82 ކިލޯގެ މާވަހަރުގެ އަގަކީ ގާތްގަނޑަކަށް 2.9 މިލިއަން ޑޮލަރެވެ.
