އެލިޒަބަތު ވޮރެން 2020 ގައި އެމެރިކާގެ ރައީސް ކަމަށް ވާދަކުރައްވާކަން އިއުލާނު ކުރައްވައިފި
ޑެމޮކްރޭޓުންގެ ތެރެއިން މިހާތަނަށް އިއުލާނުކުރައްވާފައި ވަނީ ދެ ބޭފުޅުން
ސެނޭޓަށް ވަޑައިގެންނެވުމުގެ ކުރިން އެލިޒަބަތު ވޮރެންއަކީ ހަވާޑް ލޯ ސްކޫލްގެ ޕްރޮފެސަރެއް
ސެނެޓުގެ މައިނޯރިޓީ ލީޑަރު އެލިޒަބަތް ވޮރެން އެމެރިކާގައި 2020 ވަނަ އަހަރު ބާއްވާ ރިޔާސީ އިންތިޚާބަށް ވާދަކުރެއްވުމަށް ޑެމޮކްރެޓިކް ޕާޓީގެ ޓިކެޓަށް ވާދަކުރައްވާނެ ކަމަށް އިއުލާނު ކުރައްވައިފިއެވެ.
މަސަޗުސެޓްސްގެ މެމްބަރު އަދި ޕްރޮގްރެސިވް ގޮފީގެ ލީޑަރު މިކަން އިއުލާނުކުރައްވާފައި ވަނީ ރޭވިގެން ހިންގޭ މަސައްކަތެރިންގެ ހަރަކާތް ފެށުނު، ބޮސްޓަންގެ އުތުރުގެ ތާރީޚީ ސަރައްހައްދު ކަމަށްވާ ލޯރެންސްގައި ހޮނިހިރު ދުވަހުއެވެ.
ހަވާޑް ލޯ ސްކޫލްގެ ޕްރޮފެސަރެއްގެ ގޮތުގައި މަސައްކަތްކުރެއްވުމަށް ފަހު ޤާނޫނުހަދާ މަޖިލީހަށް ވެދެވަޑައިގެންނެވި ވޮރެންއަކީ 2020ގެ ރިޔާސީ ރޭހަށް ވެދެވަޑައިގަންނަވާނެ ކަމަށް މިހާތަނަށް އިއުލާނުކުރައްވާފައިވާ އެންމެ ގިނަ ބަޔަކު ދަންނަ ފަރާތެވެ.
ސެނޭޓަށް 2012 ވަނަ އަހަރު ހޮވިވަޑައިގަތީއްސުރެ، އެކަމަނާ ވަކާލާތުކުރައްވަމުން ގެންދަވާ، މުއްސަނދިންގެ އަތުން ނަގާ ޓެކްސް އިތުރުކުމުގެ މައްސަލައި ޑެމޮކްރޭޓުންނަށް ވަނީ ކުރިއެރުންތަކެއް ހޯދިފައެވެ.
ސެނެޓަރު ކަމާލާ ހެރިސް ވެސް މީގެ ކުރިން ވަނީ 2020 ވަނަ އަހަރު އެމެރިކާގައި ބާއްވާ ރިޔާސީ އިންތިހާބުގެ ޑިމޮކްރަޓިކް ޕާޓީގެ ޓިކެޓަށް ވާދަކުރައްވާނެ ކަން އިއުލާން ކުރައްވާފައެވެ.
