އެކްސިޑެންޓުގައި އަނިޔާވި ކުޑަކުއްޖާ މާލެ ގެނެސްފި
9 ފެބުރުއަރީ 2019 | ހޮނިހިރު 07:45އަނިޔާވީ ހަ އަހަރުގެ ކުޑަ ފިރިހެން ކުއްޖަކަށް
އެކްސިޑެންޓްގައި އަނިޔާވި ކުޑަ ކުއްޖާ
އައްޑޫ ސިޓީގައި ހިނގި ނުރައްކާތެރި އެކްސިޑެންޓެއްގައި ބޮލަށް އަނިޔާވި ކުޑަ ކުއްޖެއް އެމްއެންޑީއެފްގެ ހެލިކޮޕްޓަރުގައި މާލެ ގެނެސްފިއެވެ.
އެމްއެންޑީއެފުން ބުނީ ސައިކަލު އެކްސިޑެންޓުގައި ބޮލަށް ސީރިއަސް އަނިޔާތަކެއް ލިބުނު ހަ އަހަރުގެ ކުޑަ ފިރިހެން ކުއްޖަކު އެމްއެންޑީއެފްގެ ހެލިކޮޕްޓަރުގައި ހެނދުނު 10:25 ގައި މާލެ ގެނެސްފައިވާ ކަމަށެވެ.
މިއެކްސިޑެންޓް ހިނގީ ހުކުރު ދުވަހެވެ. މި އެކްސިޑެންޓް ހިނގީ އައްޑޫ ސިޓީގައި ގާއިމުކޮށްފައިވާ އައިއެމްޑީސީ ކައިރިން މިކުއްޖާ ދުވެފައި ނުކުތް ވަގުތު ސައިކަލެއްގައި ޖެހިގެންނެވެ.
އައްޑޫ ސިޓީ ހިތަދޫ ރީޖަނަލް ހޮސްޕިޓަލުގައި ފަރުވާ ދިނުމަށް ފަހު، މިކުއްޖާ މާލެ ގެނައީ ހާލު ސީރިއަސް ވެގެން ކަމަށް މައުލޫމާތު ލިބެއެވެ.
އުމުރުން 6 އަހަރުގެ ކުއްޖަކަށް އިތުރުފަރުވާއަށް މާލެ ގެންނަސްފައިވާއިރު، ހުކުރު ދުވަހު މާލޭގައި ހިނގި އެކްސިޑެންޓެއްގައި 16 އަހަރުގެ ދެކުއްޖަކަށް ވެސް ސީރިއަސް އަނިޔާތަކެއް ލިބިގެން އައިޖީއެމްއެޗްގައި އަންނަނީ ފަރުވާ ދެމުންނެވެ.
