ރައީސް ސާލިހު، ޗައިނާގެ އާ އަހަރުގެ ތަހުނިޔާ ފޮނުއްވައިފި
5 ފެބުރުއަރީ 2019 | އަންގާރަ 13:47ޗައިނާއަށާއި ޗައިނާގެ ރައްޔިތުންނަށް ކުރިއެރުމާއި ސުލްހަ އާއި ހަމަޖެހުމަށް އެދިވަޑައިގެންނެވި
އާމިނަތު ނުޒުހާ | 5 ފެބުރުއަރީ 2019 | އަންގާރަ 13:47
ދިވެހި ސަރުކާރާއި ދިވެހި ރައްޔިތުންގެ ނަމުގައި ޗައިނާ ސަރުކާރަށާއި ރަައްޔިތުންނަށް މަރުހަބަ ފޮނުއްވެވި
ޗައިނީސް އާ އަހަރު ފެށުމުގެ މުނާސަބަތުގައި ޗައިނާގެ ރައީސް ޝީ ޖިންޕިންގ އަށާއި ޕްރިމިއަރ ލީ ކަޗަންގ އަށް ރައީސުލްޖުމްހޫރިއްޔާ އިބްރާހީމް މުހަންމަދު ޞާލިޙް ތަޙުނިޔާ ވިދާޅުވެ މެސެޖެއް ފޮނުއްވައިފިއެވެ.
ރައީސުލްޖުމްހޫރިއްޔާގެ މެސެޖުގައި މި އުފާވެރި މުނާސަބަތުގައި ދިވެހި ސަރުކާރާއި ދިވެހި ރައްޔިތުންގެ ނަމުގައި ޗައިނާ ސަރުކާރަށާއި ޗައިނާގެ އެކުވެރި އެންމެހާ ރައްޔިތުންނަށް ވަރަށް ހޫނު މަރުޙާބާއެއް ވަނީ ފޮނުއްވާފައެވެ.
ރައީސުލްޖުމްހޫރިއްޔާގެ މެސެޖުގައި ޗައިނާއަށާއި ޗައިނާގެ ރައްޔިތުންނަށް ކުރިއެރުމާއި ސުލްހައާއި ހަމަޖެހުމަށް އެދިވަޑައިގެންފައި ވެއެވެ.
