ލަންކާއިން ހައްޔަރު ކުރި ހަތަރު ދިވެހިން ދޫކޮށްލައިފި
4 ފެބުރުއަރީ 2019 | ހޯމަ 07:10ހައްޔަރު ކުރި މީހުންގެ ތެރޭގައި ހިމެނެނީ 19 އަހަރާއި 23 އަހަރާއި ދެމެދުގެ ޒުވާނުން
ޑްރޯންއެއް. ލަންކާގެ އެއާޕޯޓުގައި ޑްރޯން އެރުވުމުން ހައްޔަރު ކުރި ހަތަރު ދިވެހިން ވަނީ ދޫކޮށްލާފައި
ލަންކާ އެއާޕޯޓް ކައިރީގައި ޑްރޯން އަރުވައިގެން ހައްޔަރު ކުރި ހަތަރު ދިވެހިން ދޫކޮށްލައިފިއެވެ.
އެނގިފައިވާ ގޮތުގައި އެ ހަތަރު ދިވެހިންގެ މައްޗަށް ދައުވާ ނުކޮށް ދޫކޮށްފައިވަނީ އާދީއްތަ ދުވަހުގެ ރޭގެ ވަގުތެއްގައެވެ. ލަންކާ އެއާޕޯޓު ކައިރީގައި ޑްރޯންއެއް އަރުވައިގެން ހައްޔަރުކޮށްފައިވަނީ އެގައުމުގެ ފުލުހުން ބުނާގޮތުގައި 19 އަހަރާއި 23 އަހަރާ ދެމެދުގެ ޒުވާނުން ކަމަށެވެ. އޭގެތެރޭގައި އަންހެނެއް ހިމެނެއެވެ.
ލަންކާގެ އެއާޕޯޓާ އަށް ކިލޯމީޓަރު ކައިރިއަށް ޑްރޯން އެރުވުމަކީ މަނާ ކަމެކެވެ. އަދި 200 ގްރާމަށްވުރެ ބަރު ކޮންމެ ޑްރޯނެއް ލަންކާގެ ސިވިލް އޭވިއޭޝަން އޮތޯރިޓީގައި ރެޖިސްޓްރީކުރަންޖެހޭއިރު ރޭގަނޑު ގަޑީގައި ޑްރޯން އެރުވުމަށް އިތުރު ހުއްދައެއް ބޭނުންވެއެވެ.
