ގެއްލިގެން ހޯދަމުންދިޔަ ޔުނިޓީ ދޯނީގެ ޚަބަރެއް ވެއްޖެ
2 ފެބުރުއަރީ 2019 | ހޮނިހިރު 16:03މިދޯނި މަސްވެރިކަމަށް ނުކުތީ 13 މީހުންނާ އެކު
ގެއްލިގެން ހޯދަމުން ދިޔަ ޔުނިޓީ ދޯނި
ހއ. ފިއްލަދޫ އިން މަހަށް ފުރި ފަހުން ޚަބަރެއް ނުވެގެން ހޯދަމުންދިޔަ ދޯނީގެ ޚަބަރެއް ވެފައިވާ ކަމަށް އެމްއެންޑީއެފުން ބުނެފިއެވެ.
އެމްއެންޑީއެފުން ބުނީ ''ޔުނިޓީ'' ނަމަކަށް ކިޔާ މި ދޯނީގެ ޚަބަރެއްވީ ހޮނިހިރު ދުވަހު 17:22 ގައި ކަމަށެވެ.
އެމްއެންޑީއެފް ޔުނިޓީ ދޯނި، ހއ. ކެލާގެ އުތުރުން 30 ނޯޓިކަލް މޭލު ބޭރުގައި މަސްވެރިކަން ކުރުމަށް ފަހު މާލެއަށް ދިއުމަށް ދަތުރުކުރަމުންދާ ކަމަށް ދޯނީގެ ވެރިފަރާތުން އެމްއެންޑީއެފް ކޯސްޓު ގާޑަށް މައުލޫމާތުދީފައިވާ ކަމަށެވެ.
13 މީހުންނާ އެކު މިދިޔަ މަހުގެ 25 ވަނަ ދުވަހު މަސްވެރިކަމަށް ނުކުތް މިދޯނީގެ ޚަބަރެއް ނުވެގެން ރިޕޯޓު ކޮށްފައިވަނީ ހުކުރު ދުވަހު 14:10 ހާއިރު ކަމަށެވެ.
މި ދޯންޏަކީ ދިގުމިނުގައި 30 މީޓަރު ހުރި ބޭރުގައި ގަދަނޫ ކުލައިގެ ދަވާދު ލާފައިވާ އަދި ހުދު ކުލައިގެ ގެގަޑެއް ލާފައިވާ ދޯންޏެކެވެ.
