ރާއްޖެ
ނ. މާފަރު
ނ. މާފަރުގައި މަސްހިފަން ގޮސް އުޅުނު މީހަކު މަރުވެއްޖެ
މަރުވެފައިވަނީ ހިތުގެ ބަލި ހުންނަ މީހެއް
ދާނިޝް ނިޡާމް, ރާއްޖެ އެމްވީ | 2 ފެބުރުއަރީ 2019 | ހޮނިހިރު 06:43
ނ. މާފަރު
ނ. މާފަރުގައި މަސްހިފަން ގޮސް އުޅުނު މީހަކު މަރުވެއްޖެއެވެ.
ރާއްޖެއެމްވީ އަށް މައުލޫމާތު ދެއްވަމުން ފުލުހުން ބުނެފައިވަނީ މާފަރުގައި މީހަކު މަރުވެގެން އުޅޭކަމުގެ މައުލޫމާތު ލިބިފައިވާ ކަމަށާއި މަރުވެފައިވަނީ ފިރިހެނެއް ކަމަށެވެ. ނ. މާފަރު ކައުންސިލް މެމްބަރު މުސްތަފާ އާދަމް ވިދާޅުވީ މަރުވި މީހާއަކީ ހިތުގެ ބަލި ހުންނަ މީހެއް ކަމަށާއި ، ހޮނިހިރު ދުވަހު މަސްހިފަން މާފަރާއި 500 ފޫޓް ދުރަށް ގޮސް އުޅެނިކޮށް މީހާއަށް ގޮތްތަކެއްވެގެން އެއްގަމައް ދާން އުޅެނިކޮށް އެމީހާގެ ހަރަކާތް ހުއްޓިފައިވާ ކަމަށެވެ. މައުލޫމާތު ލިބިފައިވާ ގޮތުގައި އެމީހާ މަރުވެފައިވަނީ ހާޓްއެޓޭކް އެއް ޖެހިގެންނެވެ.
މަރުވެފައިވަނީ 57 އަހަރުގެ އަލީ ރަޝީދު އުމަރު ކަމަށް މައުލޫމާތުލިބެއެވެ.
