"އޭކް ލަޅްކީ ކޮ ދޭކާތޮ އެއިސާ ލަގާ" ގެ ދެވަނަ ޓްރެއިލާ ދައްކާލައިފިއެވެ.
ހޯމަ ދުވަހު މި ޓްރެއިލާ ދައްކާލާފައިވާއިރު މި ޓެރެއިލާގައި ފުރަތަމަ ޓްރެއިލާއަށް ވުރެ ޝައުގުވެރި ގިނަ ކަންތައްތަކެއް ފެނިގެން ދެއެވެ.
ނުވަ މިލިއަނަށް ވުރެ ގިނަ މީހުން ފިލްމުގެ ޓްރެއިލާ ބަލާފައިވާއިރު ބެލުންތެރިން އަންނަނީ ފިލްމަށް އިންތިޒާރު ކުރަމުންނެވެ.
އަނިލް ކަޕޫރާއި އޭނާގެ ދަރިފުޅު ސޯނަމް ކަޕޫރު ފުރަތަމަ ފަހަރަށް ފިލްމަކުން އެކުގައި ފެނިގެންދާ މި ފިލްމްގައި ދެ ބަފައިންގެ އިތުރުން ދެން ފެނިގެންދަނީ ޖޫހީ ޗާވްލާ އާއި ރާޖް ކުމާރު ރާއޯ އެވެ.
ޝެލީ ޗޯޕްރާ ޑައިރެކްޓް ކޮށްފައިވާ މި ފިލްމް ރިލީޒް ކުރުމަށް ހަމަޖެހިފައިވަނީ އަންނަ އަހަރުގެ ފެބްރުއަރީ މަހުގެ އެއްވަނަ ދުވަހު އެވެ.
މި ފިލްމްގައި ސޯނަމް ފެނިގެން ދަނީ އަނިލްގެ ދަރިއެއްގެ ރޯލުންނެވެ.
މީގެ އިތުރުން ޖޫހީ ފެނިގެންދަނީ އަނިލް ކަޕޫރުގެ ލަވް އިންޓްރެސްޓްގެ ރޯލުންނެވެ.
