އަނިލް ކަޕޫރުގެ އުފަންދުވަހު 'އޭކް ލަޅްކީކޮ ދޭކާ ތޮ އެއިސާ ލަގާ' ގެ އާ ޕޯސްޓަރ ދައްކާލައިފި
24 ޑިސެމްބަރު 2018 | ހޯމަ 12:55ޕޯސްޓަރުގައި ސޯނަމް ފެނިގެން ދަނީ އަނިލްގެ ކޮނޑުގައި ބޯއަޅައިގެން އޮއްވައި
އަނިލް ކަޕޫރާއި ސޯނަމް ކަޕޫރު
ބޮލީވުޑްގެ ތަރި އަނިލް ކަޕޫރުގެ 62 އުފަން ދުވަހު އޭނާގެ އަންނަން އޮތް ފިލްމް "އޭކް ލަޅްކީ ކޮ ދޭކާ ތޮ އެއިސާ ލަގާ" ގެ އައި ޕޯސްޓަރެއް ދައްކާލައިފިއެވެ.
އެ ޕޯސްޓަރގައި އަނިލް ފެނިގެން ދަނީ އޭނާގެ އަންހެން ދަރިފުޅު ސޯނަމް ކަޕޫރާ އެކުގައެވެ. ސޯނަމް ފެނިގެން ދަނީ އަނިލްގެ ކޮނޑުގައި ބޯ އަޅައިގެން އޮއްވައެވެ.
އަންނަ އަހަރުގެ ފެބްރުއަރީ މަހުގެ 1 ވަނަ ދުވަހު ރިލީޒް ކުރުމަށް ހަމަޖެހިފައިވާ މި ފިލްމްގައި އަނިލް ކަޕޫރާއި ސޯނަމް ކަޕޫރުގެ އިތުރުން ދެން ފެނިގެންދަނީ ރާޖް ކުމާރު ރާއޯ އާއި ޖޫހީ ޗާވްލާ އެވެ.
މި ފިލްމްގައި ވެސް ސޯނަމް ފެނިގެން ދަނީ އަނިލްގެ ދަރިއެއްގެ ރޯލުންނެވެ. އަދި ރާޖް ކުމަރު ފެނިގެން ދަނީ އެއްޖިންސުން ގުޅުން ހިންގާ މީހެއްގެ ރޯލުންނެވެ.
މީގެ އިތުރުން ޖޫހީ ފެނިގެންދަނީ އަނިލް ކަޕޫރުގެ ލަވް އިންޓްރެސްޓްގެ ރޯލުންނެވެ.
