ލަގާންގެ އެކްޓަރ ޝްރުވައްލާބް ވިޔާސް މަރުވެއްޖެއެވެ.

އޭނާ މަރުވެފައި ވަނީ އިންޑިއާގެ ޖެއިޕޫރުގައި އާދީއްތަ ދުވަހުގައެވެ. ޝްރުވައްލާބް  ކުޅެފައިވާ ފިލްމު ތަކުގެ ތެރޭގައި ސަފަރޯޝް(1999)، ލަގާން(2001)، އަބްހޭ(2001)، އާން: މެން އެޓް ވޯކް(2004) ހިމެނެއެވެ.

ފިލްމު އަދި ސީރީޒްތަކުން ފެންނަ އެކްޓަރެއް ކަމަށްވާ ދާޔާ ޝަންކަރު އިންޑިއާގެ ނޫހަކަށް ބުނެފައިވަނީ ވިޔާސް އަކީ މޮޅު އެކްޓަރެއް ކަމަށާއި އޭނާ މަރުވުމުން ހިތާމަ ކުރާކަމަށެވެ.

އަދި އޭނާ މަރުވެފައިވަނީ އާދީއްތަ ދުވަހުގެ ހެނދުނު 9:30 ހާއިރު ކަމަށާއި އޭނާ މަރުވިއިރު އާއިލާގެ ފަރާތްތައް ކައިރީގައި ތިބިކަމަށް ވަނީ ބުނެފައެވެ. ޝްރުވައްލާބް ވިޔާސް މަރުވިއިރު ދެ އަންހެން ކުދިންނާއި އަންބަކު ދުނިޔޭގައި އެބަތިއްބެވެ.