ޓެލެގްރާފް ނޫހުން މެލަނިއާގެ އަރިއަހުން މާފަށް އެދިއްޖެ
ދޮގު ޚަބަރު ފަތުރައިގެން މަޝްހޫރުކަން ހޯދުން ހުއްޓުވާނަން: ތަރުޖަމާން
އެމެރިކާގެ ރައީސް ޑޮންޑް ޓްރަމްޕްގެ އަނބިކަނބަލުން މެލަނިއާ ޓްރަމްޕް
އިނގިރޭސި ވިލާތުގެ މަޝްހޫރު ނޫހެއް ކަމަށްވާ ޑެއިލީ ޓެލެގްރާފުން އެމެރިކާގެ ރައީސް ޑޮންޑް ޓްރަމްޕްގެ އަނބިކަނބަލުން މެލަނިއާ ޓްރަމްޕްގެ އަރިއަހުން މާފަށް އެދިއްޖެއެވެ.
ޑެއިލީ ޓެލެގްރާފް ނޫހުން ފަސްޓްލެޑީ މެލަނިއާ ޓްރަމްޕާއި ބެހޭގޮތުން ލިޔެފައިވާ އާޓިކަލް "ދަ މިސްޓްރީއޮފް އެމެރިކާ"ގައި ދޮގު މައުލޫމާތުތަކެއް ހިމަނާފައިވާތީ އެކަމަށް އެ ނޫހުން މާފަށް އެދި ލިބުނު ގެއްލުމުގެ ބަދަލް ދޭން އެއްބަސް ވެފައިވެއެވެ.
އެ އާޓިކަލްގައި ފަސްޓްލޭޑީ މެލަނިއާއާ ބެހޭ ގޮތުން ލިޔެފައި ވަނީ ފިރިކަލުން ޓްރަމްޕާ ދިމާވުމުގެ ކުރިން މެލަނިއާގެ ކެރިއަރުގައި ދަތިތަކާ ކުރިމަތިލާން ޖެހިފައިވާ ކަމަށެވެ.
މީގެ އިތުރުން މިދިޔަ ހަފްތާގެ ހޮނިހިރު ދުވަހު ލިޔެފައިވާ އެ ނޫހުގެ އެހެން އާޓިކަލެއްގައި ބުނެފައި ވަނީ މިސިޒް ޓްރަމްޕަކީ ކާމިޔާބު މޮޑެލެއް ކަމަށާއި ޓްރަމްޕްގެ އެހީތެރިކަމެއް ނެތި އަމިއްލަ ފައިމަޗަށް ތެދުވެފައިވާ މީހެއް ކަމަށެވެ.
އިތުރަށް ހަމަ އެ ނޫހުގައި ބުނެފައި ވަނީ 2005 ވަނަ އަހަރު މެލަނިއާގެ މަންމަ އާއި ބައްޕަ ނިއުޔޯކުގައި ޓްރަމްގެ ގެއެއްގައި ދިރިއުޅުއްވާފައިވާ ކަމަށް ލިޔެފައިވާ ޚަބަރަކީ ވެސް ދޮގު ޚަބަރެއް ކަމަށެވެ.
އެކަމާ ބެހޭގޮތުން މެލަނިއާގެ ތަރުޖަމާން ވިދާޅުވެފައި ވަނީ މެލަނިއާގެ ނަން ބޭނުންކޮށްގެން ކަންތައްތައް ކުރުމަކީ އާންމު ކަމެއް ކަމަށާއި އަދި އެކަމާ މެލަނިއާ އަޅާނުލައްވާ ނުހުންނަވާނެ ކަމަށެވެ.
އަދި ދޮގު ޚަބަރު ފަތުރައިގެން މަޝްހޫރުކަން ހޯދާ މީޑިއާތަކާ އެފަދަ މީހުންގެ އަމަލުތައް މެލަނިއާ ހުއްޓުވާނެ ކަމަށް ވެސް ތަރުޖަމާން ވިދާޅުވެފައިވެއެވެ.
