ރާއްޖޭގައި ފުރަތަމަ ފަހަރަށް ޖަރުމަނުގެ ވިސާ ކްލިނިކެއް ހުޅުވައިފި
ހިދުމަތް ލިބިގެންދާނީ 5 ދުވަހަށް
ފޮރިން ސެކްރެޓަރީ އަބްދުލް ޣަފޫރު މުހައްމަދު ނޫސްވެރިންނަށް މައުލޫމާތު ދެއްވަނީ
ދިވެހިރާއްޖޭގައި ހުރެގެން ޖަރުމަނުގެ ޝެންގެން ވިސާއަށް އެދުމުގެ ގޮތުން ރާއްޖޭގައި ވިސާ އެޕްލިކޭޝަން ކްލިނިކެއް ހުޅުވައިފިއެވެ.
މިއަދު ހުޅުވުނު ވިސާ ކްލިނިކް
އާދިއްތަ ދުވަހު ނޫސްވެރިންނަށް ދެއްވި ހާއްސަ އިންޓަވިއުއެއްގައި ފޮރިން ސެކްރެޓަރީ އަބްދުލް ޣަފޫރު މުހައްމަދު ވިދާޅުވީ އެ މިނިސްޓްރީން ކުރަމުން އަންނަ އެންމެ މުހިންމު މަސަތްކަތަކީ ވިސާ ލިބޭނެ އެންމެ ލުއި ފަސޭހަ ގޮތް ހޯދުން ކަމަށާއި މި ހުޅުވާލާ ފުރުސަތުގައި ދަތުރުކުރެވޭނީ ހަމައެކަނި ޖަރުމަންވިލާތަށް ކަމަށެވެ. ޣަފޫރު ވިދާޅުވީ ވަގުތީ ކްލިނިކެއް ގާއިމު ކުރި ކަމުގައިވިޔަސް ކުރިއަށް އޮތް ތަނުގައި ޝެންގެން ވިސާގެ ހިދުމަތް ދާއިމީ ގޮތެއްގައި ލިބިގެން ދާނެ ކަމަށެވެ. ވިސާގެ ސަބަބުން އައިޓީބީ ފެއަރ އަށް ދާ ފަރާތްތަކުގެ އިތުރުން ޔޫރަޕަށް ދަތުރުކުރާ ފަރާތްތަކައް ފަސޭހަވެގެން ދާނެއެވެ. ފޮރިން ސެކްރެޓަރީ ވަނީ އެމްއެމްޕީއާރުސީ އާއި ޖަރުމަނު ސަރުކާރުގެ ފަރާތުން ދެއްވި އެހީތެރިކަމަށް ޝުކުރުއަދާކުރައްވާފައެވެ.
ވިސާ އެޕްލިކޭޝަން ކްލިނިކްގެ ހިދުމަތް ހޯއްދަވަން ބޭނުންފުޅުވާ ފަރާތްތަކަށް 24 ޑިސެމްބަރުގައި ހުޅުވާލި ފުރުސަތުގައި 123 ފަރާތަކުން ވަނީ އެޕްލިކޭޝަން ފުރިހަމަ ކުރެއްވުމަށް ފަހު އޮންލައިންކޮށް އެޕޮއިންޓްމަންޓެއް ހެއްދެވުމަށް އެދިފައެވެ. އެގޮތުން ޑިމާންޑް ބޮޑުވުމުގެ ސަބަބުން ދެ ދުވަހަށް ހަމަޖައްސާފައިވަ ކްލިނިކް ހިދުމަތް ދިނުން ފަސް ދުވަހަށް ބަދަލުކުރިވިފައިވާ ކަމަށް އަބްދުލް ޣަފޫރު ވަނީ ވިދާޅުވެފައެވެ. ހިދުމަތް ލިބިގެން ދާނީ ޖަނަވަރީ 27 ވަނަ ދުވަހުން ފެށިގެން 31 ޖެނުއަރީގެ ކޮންމެ ދުވަހަކު ހެނދުނު 8:00 ހަވީރު 6 ޖެހުމާ ހަމަޔަށް ލިބިގެންދާނެއެވެ.
"މިފަހަރު މި ބޭއްވޭ ކްލިނިކްގައި ގާތްގަނޑަކަށް 123 ބޭފުޅުން ވިސާ ހޯދުމައްޓަކައި އެޕްލައި ކޮށަފައި އެބަވޭ . އަޅުގަނޑުމެން މި ހިދުމަތް އެންމެ ފުރަތަމަ ހުޅުވުމަށް ހަމަޖެހިފައިވަނީ 2 ދުވަހައް ނަމަވެސް ޑިމާންޑް ބޮދުވުމުގެ ސަބަބުން 2 ދުވަހުން 5 ދުވަހަށް ވަނީ އިތުރުކުރެވިގެން ގޮސްފައި،" ފޮރިން ސެކްރެޓަރީ ވިދާޅުވިއެވެ.
ރާއްޖޭގައި މި ހިދުމަތް ތާއާރަފްކުރުމުގެ ސަބަބުން ކުރިން ވިސާ ނަގަން ސްރީލަންކާއަށް ދާން ޖެހޭ ދަތުރަށާއި އެހެނިހެން ކަންތައްތަކަށް ދާ ހަރަދު ރައްކާ ކުރެވޭނެއެވެ.
މީޑިއާއަށް މަޢުލޫމާތު ދެއްވަމުން ކޮލޮމްބޯގައި ހުންނަ ޖަރުމަނު އެމްބަސީގައި ވިސާގެ ކަންކަން އިންތިޒާމްކުރާ އިސް ބޭފުޅާ ސާޝާ ސްޕްރެއަރ ވިދާޅުވީ ރާއްޖޭގައި ތިބެގެން ޝެންގަން ވިސާ ލީބެނެ ގޮތް ހެދުމުން އުންމީދުކުރި ވަރަށް ވުރެ ބޮޑު ތަރުހީބެއް ލިބުނު ކަމަށާއި ކުރިއަށް އޮތްތަނުގައި ވިސާ ލިބޭނެ އިންތިޒާމް ފަހިކުރާނެ ކަމަށެވެ،
މި ކްލިނިކްގެ މަސައްކަތަކަށް ވާނީ ވިސާއަށް އެދޭ ފަރާތްތަކުގެ ބަޔޯމެޓްރިކް ޑޭޓާ (ސިފަ، އިނގިލީގެ ނިޝާން) ނެގުމަށް ފަހު، މި މައުލޫމާތު ލަންކާގައި ހުންނަ ޖަރުމަނުގެ އެމްބަސީއަށް ފޮނުވުމެވެ. ވިސާ އެޕްލިކޭޝަނާ ދޭތެރޭ ގޮތެއް ނިންމާނީ ޖަރުމަނުގެ އެމްބަސީ އިން ކަމަށް އެ ފަރާތުން ވަނީ މީގެ ކުރިން ހާމަކޮށްފައެވެ.
ޝެންގެން ވިސާއަކީ ޝެންގެން އެގްރީމަންޓްގައި ބައިވެރިވެފައިވާ 26 ޔޫރަޕުގެ ގައުމަށް އެރުމަށް ލިބޭ ވިސާއެކެވެ. މި އެއްބަސްވުމުގައި ބައިވެރިވެފައިވާ ގައުމުތަކުން އެ ގައުމުތަކުގެ ސަރަހައްދީ އިމުގެ ތެރޭގައި ގެންގުޅެނީ ވިސާ ދިނުމުގައި އެއް ސިޔާސަތުތަކެކެވެ، އަދި މި ގައުމުތަކުގެ ރައްޔިތުން، ޝެންގެންގައި ބައިވެރިވެފައިވާ އެހެން ގައުމުތަކަށް ދާން ޕާސްޕޯޓްއެއް ވެސް ބޭނުން ކުރާކަށް ނުޖެހެއެވެ.
