ރާއްޖެ
އަލިފާން ރޯވުން
ބ. ދަރަވަންދޫ ކުނިގޮނޑުގައި ރޯވެއްޖެ
ފުލުހުންނާއި ރައްޔިތުން ކުރި މަސައްކަތުން އަލިފާން ވަނީ ނިއްވާލައިފަ
އާމިނަތު ނުޒުހާ, ރާއްޖެ އެމްވީ | 20 ޖެނުއަރީ 2019 | އާދީއްތަ 19:08
ދަރަވަންދޫ ކުނިގޮނޑުގައި ރޯވެ އަނދަނީ
ބ. ދަރަވަންދޫ ކުނި ގޮނޑުގައި އަލިފާން ރޯވެ، އަނދައިފި އެވެ.
ފުލުހުން ބުނީ އެކަމުގެ މައުލޫމާތު ލިބިފައިވަނީ އާދީއްތަ ދުވަހުގެރޭ 8:20 ހާއިރު ކަމަށެވެ. ރޯވި އަލިފާން ނިއްވުމަށް ފުލުހުންނާއި ދަރަވަންދޫ އެއާޕޯޓްގެ ފަޔަމަނުން ހަރަކާތްތެރިވެފައިވެއެވެ.
ރޯވި އަލިފާން ނިއްވާލައިފައިވަނީ 9:30 ހާއިރު އެވެ.
ހުކުރު ދުވަހު ވެސް ވަނީ ދަރަވަންދޫ އެއަރޕޯޓުގެ ރަންވޭގެ ހުޅަނގުކޮޅު ވަލުތެރޭގައި އަލިފާން ރޯވެފައެވެ. އެ ހާދިސާގައި 3000 އަކަފޫޓްގެ ސަރަހައްދެއްގައި އަލިފާން ރޯވިއެވެ. އެ ހާދިސާގައި އެއްވެސް މީހަކަށް ގެއްލުމެއް ނުލިބެއެވެ.
އާދިއްތަ ދުވަހުގެ ރޭ މި ހިނގި އަލިފާނުގެ ހާދިސާގައި އެއްވެސް މީހަކަށް ގެއްލުމެއްވި ކަމުގެ މައުލޫމާތެއް އަދި ލިބިފައެއް ނުވެއެވެ.
