ފުވައްމުލަކު ކުޅީ ސަރަހައްދުގައި އަނެއްކާ ވެސް އަލިފާން ރޯވެއްޖެ

ފުވައްމުލަކު ބަންޑާރަކިޅީ ސަރަހައްދުގައި ބުރާސްފަތި މެންދުރު އަލިފާން ރޯވެއްޖެ އެވެ.

އެމްއެންޑީއެފުން ބުނި ގޮތުގައި އަލިފާން ރޯވި ކަމުގެ މައުލޫމާތު ފުވައްމުލަކުގައި ހުންނަ އެމްއެންޑީއެފުގެ ފަޔާ އެންޑް ރެސްކިއު ސާވިސް އަށް ލިބިފައި ވަނީ ބުރާސްފަތި ދުވަހު މެންދުރު 14:00 ހާއިރު ކަމަށެވެ. ރޯވި އަލިފާންގަނޑު އެއްކޮށް ނިއްވާލާފައިވަނީ 5:30 ހާއިރު އެވެ.

ރޯވެފައިވަނީ ކިހާ ސަރަހައްދެއްގައި ކަމެއް އަދި އަލިފާން ރޯވި ސަބަބެއް ސިފައިން ހާމައެއް ނުކުރެ އެވެ.

މި ފަހަކަށް އައިސް ފުވައްމުލަކު ކުޅީ ސަރަހައްދުގައި އަލިފާނުގެ ހާދިސާތައް ދޭތެރެދޭތެރެއިން ހިނގާފައި އެބަ ހުއްޓެވެ. މި އަހަރުގެ ފެބްރުއަރީ މަހު ފުވައްމަލު ކުޅީ ސަރަހައްދުގަައި ރޯވެ، 250،000 އަކަ މީޓަރުގެ ސަރަހައްދެއް އަނދައިގެން ދިޔަ ކަމަށް އެމްއެންޑީއެފުން ވަނީ ބުނެފަ އެވެ.