ވިސާމް އެމްޑީޕީ ޓިކެޓް ކަށަވަރު ކޮށްފި
18 ޖެނުއަރީ 2019 | ހުކުރު 18:04ވިސާމް ވާދަކޮށްފައި ވަނީ ލ. ގަމު ދާއިރާއަށް
މުހައްމަދު ވިސާމް
ރާއްޖެ ޓީވީގެ ކުރީގެ ނޫސްވެރިޔާ މުހައްމަދު ވިސާމް އެމްޑީޕީ ޕްރައިމަރީގެ ޓިކެޓް ކަށަވަރުކޮށްފިއެވެ.
އެމްޑީޕީ މަޖިލިސް ޕްރައިމަރީގައި ވިސާމް ވާދަކޮށްފައި ވަނީ ލ. ގަމު ދާއިރާއަށެވެ.
ވިސާމް އާއި ވާދަކޮށްފައި ވަނީ ލ. ގަން ތނޑި، ބިނާ އިސްމާއިލް އަލީ އާއި ލ. ގަން ތުނޑި، ނިއުފްލާވަރ މޫސާ ހަމްދީއެވެ. ވިސާމް ވަނީ ހުރިހާ ފޮށްޓަކުން ވެސް ވަނީ ކުރި ހޯދާފައެވެ. ވިސާމް ޓިކެޓް ކަށވަރުކޮށްފައި ވަނީ ބޮޑު ތަފާތަކުންނެވެ.
ވިސާމްއަކީ އެމްޑީޕީގެ ޕްރައިމަރީއަށް ވާދަކުރުމާ ހަމައަށް ރާއްޖެޓީވީގައި ވަރަށް ބުރަކޮށް މަސައްކަތްކުރި ހިތްވަރު ގަދަ ހީވާގި ނޫސްވެރިއެކެވެ. މުޒާހަރާތައް ކަވަރުކުރުމުގެ ތެރޭގައި ތަފާތު އެކި ފަހަރު މަތިން ފުލުހުންގެ ބެލުމުގެ ދަށަށް ގެންގޮސް ޖަލުގައި ބަންދުކޮށް ދައުވާކޮށް ހުކުމްކޮށްފައި ވެއެވެ.
