މާލޭ ފިޓްނަސް ކްލަބް އެކަޑަމީން އިންތިޒާމުކޮށްގެން ބާއްވާ ފިޓްނަސް އިންސްޓްރަކްޓަރ ކޯހުގެ ހަތަރު ވަނަ ބަރު ފަށައިފިއެވެ.

ދެ ބްލޮކަކަށް ހިންގާ މި ކޯހުގެ ފުރަތަމަ ބްލޮކް މި މަހު 17 އިން 26 އަށް އޮންނައިރު، ދެވަނަ ބްލޮކް އޮންނާނީ އެޕްރީލް 4 ވަނަ ދުވަހުން ފެށިގެން 13 ވަނަ ދުވަހުގެ ނިޔަލަށެވެ.

ސްޕޯޓްސް ސައިންސްގެ މައިގަނޑުތައް، ސެޓްފިކެޓް ތިނެއްގެ ފެންވަރަށް ކިޔަވައިދޭ މި ކޯހަކީ ޓިވެޓް އޮތޯރިޓީން އެމްކިޔު އޭގެ މިންގަނޑުތަކަށް ފައްތައިގެން ހަދާފައިވާ ކޯހެކެވެ.

މީގެ އިތުރުން މި ކޯހުގެ ދެ ބްލޮކްގެ ދެމެދުގައި 60 ގަޑިއިރުގެ އިންޓާންޝިޕެއް ޖިމެއްގައި ފުރިހަމަކުރަންޖެހޭއިރު، ދެވަނަ ބްލޮކްގައި ފަސްޓްއެއިޑް މޮޑިއުލް ކިޔަވައިގެން ވެސް ވަކި ސެޓްފިކެޓެއް ލިބެއެވެ.

މި ކޯހުގައި ބައިވެރިވާ މީހުންގެ ފެންވަރު ބެލުމުގެ ގޮތުން ކޯހުގައި ދެވޭ އެސައިންމެންޓާއި، ޔުނިޓް ޓެސްޓްތަކުގެ އިތުރުން ޓިވެޓް އޮތޯރިޓީން ކަނޑައަޅާފައިވާ އެކްސްޓާނަލް އެސެސަރއެއް ދިނުމަށް ފަހު، ޕްރެކްޓިކަލް އަދި ކަރުދާހުގައި ދެވޭ އިމްތިހާނެއް ދޭނެއެވެ.