ޕޮލެންޑްގެ ޑޭންސްކް ސިޓީގެ މޭޔަރަށް ތޫނު އެއްޗަކުން ހަމަލާދީ ޒަޚަމްކޮށްލައިފި، ހާލު ސީރިއަސް
14 ޖެނުއަރީ 2019 | ހޯމަ 05:4627 އަހަރުގެ ފިރެހެނަކުވަނީ ހައްޔަރުކޮށްފައި
އުމުރުފުޅުން 53 އަހަރު ޕާވެއު ވަގުތުން ހޮސްޕިޓަލަށް ގެންގޮސް ފަސްގަޑިއިރުގެ އޮޕަރޭޝަނެއް ކުރެވުނު
ޕޮލެންޑްގެ ޑޭންސްކް ސިޓީގެ މޭޔަރ ޕާވެއު އަވަމޯވިކްސް އެ ގައުމުގެ އެންމެ ބޮޑު ޗެރިޓީ އިވެންޓުގައި ހުންނަވަނިކޮށް ތޫނު އެއްޗަކުން ހަމަލާދިނުމުގެ ޒަޚަމްކޮށްލައިފި އެވެ.
އުމުރުފުޅުން 53 އަހަރު ޕާވެއު ވަގުތުން ހޮސްޕިޓަލަށް ގެންގޮސް ވަނީ ފަސް ގަޑިއިރުގެ އޮޕަރޭޝަނެއް ކޮށްފަ އެވެ. ނަމަވެސް އަދިވެސް ހާލު ސީރިއަސްއެވެ.
ޑޭންސްކްގައި ހުންނަ ޔުނިވަރސިޓީ ކްލިނިކަލް ސެންޓަރގެ ޑިރެކްޓަރ އޮފް ހެލްތް ޑރ ތޯމަޝް ސްޓެފަނިއަކް ވިދާޅުވީ ހަމަލާގައި ޕާވެއުގެ ބަނޑަށް ބޮޑެތި ޒަޚަމްތަކެއްް ލިބިފައިވާކަމަށެވެ.
ފަސް ގަޑިއިރުގެ އޮޕަރޭޝަނުގެ ތެރޭގައި މޭޔަރގެ ގަޔަށް 41 ޔުނިޓްގެ ލޭ އަޅާފައިވެއެވެ.
"އޭނާ އޮންނެވީ ވަރަށް ވަރަށް ނާޒުކު ހާލަތެއްގައި"ޑރ ސްޓެފަނިއަކް ވިދާޅުވިއެވެ.
މި މައްސަލައިގައިވަނީ ހައްޔަރުކޮށްފައި ވަނީ ކުށުގެ ރިކޯޑް އޮންނަ އުމުރުން 27 އަހަރުގެ ފިރެހަނަކެވެ. ހަމަލާ ދިން މީހާ ބުނެފައިވަނީ އޭނާ ކުރިން ޖަލަށްލީ ނުހައްގުން ކަމަށެވެ.
މި ހަމަލާ ދީފައި ވަނީ ކޮންމެ އަހަރަކު ބާއްވާ ގްރޭޓް އޮކެސްޓްރާ އޮފް ކްރިސްމަސް ޗެރިޓީގެ ފިނާލޭގައެވެ.
