އިންޑީއާއިން ރާއްޖެއަށް ދިން ހެލިކޮޕްޓަރު މަރާމާތައް ގެންދަނީ
14 ޖެނުއަރީ 2019 | ހޯމަ 01:22އޭގެ ބަދަލުގައި ވަނީ އިތުރު ހެލިކޮޕްޓަރެއް ދީފައި
ހެލިކޮޕްޓަރު ގެންދަން ހަމަޖެހިފައި ވަނީ މަރާމާތަށް
އިންޑިއާއިން ރާއްޖެއަށް ދީފައިވާ ދެ ހެލިކޮޕްޓަރު ތެރެއިން އެއް ހެލިކޮޕްޓަރު މަރާމާތު ކުރުމަށް އިންޑިއާއަށް ގެންދާ ގޮތަށް ހަމަޖައްސައިފިއެވެ.
އިންޑިއާގެ ''ޓައިމްސް އޮފް އިންޑިއާ" ނޫހުން ރިޕޯޓް ކުރާ ގޮތުން އިންޑިއާ ސަރުކާރުން ރާއްޖޭގެ އެމްއެންޑީއެފް އަށް ދީފައިވާ ''އެޑްވާންސް ހެލިކޮޕްޓަރު'' މަރާމާތު ކުރުމަށްޓަކައި ގެންދަން ހަމަޖެހިފައިވާ ކަމަށެވެ. ހެލިކޮޕްޓަރު މަރާމަތަށް ގެންދަން ހަމަޖެހިފައި ވިޔަސް އޭގެ ބަދަލުގައި ހެލިކޮޕްޓަރެއް އިންޑީއާއިން ދީފައިވާ ކަމަށްވެސް އެ ނޫހުން ރިޕޯޓްކުރެއެވެ.
މިކަމާއި ބެހޭ ގޮތުން އެމްއެންޑީއެފް މީޑިއާ އޮފިޝަލް ވިދާޅުވީ ކުރިންވެސް އަމަލުކުރަމުން އައި އުސޫލުގެ މަތިން އެ އުޅަނދު މަރާމާތު ކުރުމަށް އިންޑިއާ އަށް ގެންދާން ހަމަޖެހިފައިވާ ކަމަށެވެ. ހެލިކޮޕްޓަރު ގެންދަނީ އިންޑިއާގެ ކޯސްޓުގާޑް ''ސަމްރަތް'' ގައެވެ.
ރާއްޖޭ ސިފައިންނާއި އިންޑިއާ ސިފައިން ގުޅިގެން ރާއްޖޭގެ ޚާއްޞަ އިޤްތިޞާދީ ކަނޑުގެ ސަރަޙައްދުގައި ސަވައިލަންސް ޕެޓްރޯލް ކުރުމަށްޓަކައި އިންޑިއާގެ ކޯސްޓުގާޑު ސަމަރަތް އައިސްފައިވަނީ ހޮނިހިރު ދުވަހުއެވެ.
އެގޮތުން މި މަހު 13 އިން ފަށައިގެން 17 އެ ކޯސްޓުގާޑު ހަރަކާތްތެރިވާނެއެވެ.
