ސާވީސް ޗާޖް އެންމެ ބޮޑަށް ލިބުނީ ރަންދެލިން

ނިމިގެން ދިޔަ އަހަރު އެންމެ ގިނަ އަދަދަށް ސާވީސް ޗާޖް ދީފައިވާ ރިސޯޓަކަށް ޝެވަލް ބްލޮންކް ރަންދެލި ވެއްޖެ އެވެ.

''މޯލްޑިވްސް ސާވީސް ޗާޖް'' ވެބްސައިޓް ގައިވާ ގޮތުން ވޭތުވެދިޔަ 12 މަސް ދުވަހުގެ ތެރޭގައި އެވަރޭޖްކޮށް މަހަކު ސާވީސް ޗާޖްގެ ގޮތުގައި 1،343.62 ޑޮލަރު (20،772.37 ރުފިޔާ) އެ ރިސޯޓުގައި މަސައްކަތް ކުރާ މުވައްޒަފުންނަށް ލިބިފައިވެ އެވެ.

ފްރާންސްގެ ޝެވަލް ބްލޮންކް ކުންފުނިން ރާއްޖޭގައި ހިންގަމުން އަންނަ ރަންދެލި ރިސޯޓްގެ ސްޓާފުންނަށް ޑިސެމްބަރު މަހު ސާވީސް ޗާޖުގެ ގޮތުގައި 1,433.00 ޑޮލަރު (22،096.86 ރުފިޔާ) ލިބިފައިވެ އެވެ.

އެންމެ ގިނަ އަދަދަކަށް ސާވީސް ޗާޖްގެ ލިބިފައިވާ 10 ރިސޯޓުގެ ތެރެއިން ލިސްޓުގައި ދެވަނަގައި އޮތް ވެލާ ޕްރައިވެޓް އައިލެންޑްގެ މުވައްޒަފުންނަށް ނިމިގެން ދިޔަ 2018 ވަނަ އަހަރު އެވަރޭޖްކޮށް މަހަކު 1101.59 ޑޮލަރު (17030.58 ރުފިޔާ) ވަނީ ލިބިފައެވެ.

ތިންވަނަ އަށް އެންމެ ބޮޑު ސާވީސް ޗާޖެއް ލިބުނީ މާލޭ އަތޮޅުގައި ހިންގަމުން އަންނަ ވަން އެންޑް އޮންލީ ރީތީ ރަށް ރިސޯޓަށެވެ. އެ ރިސޯޓުގެ މުވައްޒަފުންނަށް މަހަކު އެވަރޭޖްކޮށް 937.92 ޑޮލަރު ( 14500.24 ރުފިޔާ) ލިބިފައިވާއިރު، ފޯ ސީޒަން ރިސޯޓުން އެވަރޭޖްކޮށް މަހަކު 927.69 (14،342.09 ރުފިޔާ) ލިބިފައިވެ އެވެ. އަދި ސެއިންޓް ރެޖިސް ވޮއް މުލިއަށް ލިބިފައިވަނީ 917.63 ޑޮލަރު (14186.56 ރުފިޔާ ) އެވެ.

އަހަރު ފަހުކޮޅު ރާއްޖޭ އަށް ގިނަ ފަތުރުވެރިންތަކެއް ޒިޔާރަތް ކުރަމުންދާއިރު ގިނަ ރިސޯޓް ތަކަކުން ދަނީ ބޮޑު އަދަދެއްގެ ސާވީސް ޗާޖް މުވައްޒަފުންނަށް ދެމުންނެވެ.

މިހާތަނަށް ޗާއްޖޭގައި ރިސޯޓެއްގައި އެންމެ ބޮޑު ސާވީސް ޗާޖެއް ދީފައިވަނީ ވެލާ ޕްރައިވެޓް އައިލެންޑް އިންނެވެ. އެ ރިސޯޓުން ވަނީ 2015 ވަނަ އަހަރު ސާވީސް ޗާޖެއްގެ ގޮތުގައި މުވައްޒަފަކަށް 80،184 ރުފިޔާ ދީފައެވެ.