މާލެ ހުޅުމާލެ ސަރަހައްދުގައި އާ ސްކޫލްތައް ގާއިމްކުރެވޭނެ: އެޑިޔުކޭޝަން މިނިސްޓަރު
13 ޖެނުއަރީ 2019 | އާދީއްތަ 07:24ސަރުކާރުގެ ސިޔާސަތަކީ ދަރިވަރުންގެ އުޅުމާއި ކިޔެވުމަށް ބޮޑެތި ކުރިއެރުންތަކެއް ގެނައުން
ހުރަވީ ސްކޫލް އިމާރާތް ކުރަމުން ދިޔައިރު އެ ތަން ބައްލަވާލެއްވުމަށް އެޑިޔުކޭޝަން މިނިސްޓަރު ޑރ އައިޝަތު އަލީ ވަޑައިގަންނަވަނީ
ހުޅުމާލެ އާއި މާލެގައި ކުރިއަށް އޮތް އަހަރުތަކުގައި އާ ސްކޫލްތަކެއް ގާއިމްވެގެންދާނެ ކަމަށް އެޑިޔުކޭޝަން މިނިސްޓަރ ޑރ އައިޝަތު އަލީ ވިދާޅުވެއްޖެއެވެ.
ހުރަވީ ސްކޫލް ހުޅުވުމުގެ ރަސްމިއްޔާތުގައި ވާހަކަފުޅު ދައްކަވަމުން މިނިސްޓަރު ވިދާޅުވީ އަލަށް އިމާރާތްކުރާ ސްކޫލްތައް ވާނީ އާ ފަރުމާއަކަށް ބިނާކުރެވޭ ސްކޫލްތަކަކަށް ކަމަށެވެ.
ސަރުކާރުގެ ސިޔާސަތަކީ ދަރިވަރުންގެ އުޅުމާއި ކިޔެވުމަށް ބޮޑެތި ކުރިއެރުންތަކެއް ގެނައުން ކަމަށާއި، އެ ސިޔާސަތު ތަންފީޒް ކުރުމަށް މި ސަރަހައްދުގެ ހުރިހާ ސްކޫލްތައް އެއް ދަންފަޅިއަށް ބަދަލުކުރަންޖެހޭ ކަމަށް މިނިސްޓަރު ވިދާޅުވިއެވެ.
އެއް ދަންފަޅިއަށް ސްކޫލްތައް ބަދަލުކުރުމަށް ހުޅުމާލެ އާއި މާލެ އާބާދީ ގިނަވަމުންދާ ނިސްބަތުން އިތުރު ސްކޫލްތަށް ގިނަކުރަން ޖެހޭ ކަމަށް މިނިސްޓަރ ވަނީ ފާހަގަކުރައްވާފައެވެ.
"އަދި މިހާރުގެ ސްކޫލްތަކާއި ހިލާފަށް ދަރިވަރުންނަށް ނާސްތާ ދޭނެ އިންތިޒާމް ފުރިހަމަ ކުރުމަށްޓަކާ އެހެންޏާ ނުހުންނަ ޖާގަތަށް އާ ސްކޫލްތަކުގައި ހިމެނިގެންދާނެ" މިނިސްޓަރ ވިދާޅުވިއެވެ.
ފަސާދައަށް ތަން ނުދީ ސަރުކާރުގެ ލަނޑުދަނޑިތައް ހާސިލްކުރުމަށް އެންމެން އެކުގައި މަސައްކަތް ކުރުމަށް މިނިސްޓަރު ވަނީ ގޮވާލައްވާފައެވެ.
ދިރާސީ އާ އަހަރުގެ ކިޔެވުން ފެށުނުއިރު އެޑިޔުކޭޝަން މިނިސްޓްރީންވަނީ 134 ސްކޫލެއް އެއް ދަންފަޅިއަށް ބަދަލުކޮށްފައެވެ.
ހުރަވީ ސްކޫލަކީ މިހާތަނަށް ރާއްޖޭގައި ބިނާކުރެވުނު އެންމެ ބޮޑު ސްކޫލްއެވެ.
