އިހްތިރާމާއި ހިތްހެޔޮކަމާއި އެކަކު އަނެކަކަށް އަޅާލުމަކީ ކޮންމެ ދުވަހަކު ސްކޫލުގައި ނަގައިދޭ ފިލާވަޅާ އެއްވަރަށް މުހިއްމު ކަމެއް ކަމަށް ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހު ވިދާޅުވެއްޖެއެވެ.
ދިރާސީ އާ އަހަރު ކިޔެވުން ފެށުމާ ގުޅިގެން، ރައީސް ސޯލިހު ކުރެއްވި ޓްވީޓެއްގައި ވިދާޅުވީ ކަންކަން އިތުރަށް ހޯދައި، ހުނަރު ނެރެދިނުމުގެ އަހަރަށް މިއަހަރު ހެދުމަށް ދަރިވަރުންގެ ކިބައިން އެދިވަޑައިގަންނަވާ ކަމަށެވެ. އަދި ރާއްޖޭގެ ހުރިހާ ދަރިވަރުންނަށް ދިރާސީ އާ އަހަރުގެ ތަހުނިޔާ ރައްދު ކުރައްވާ ކަމަށާއި ޔާމިޔާބަށް ވެސް އެމަނިކުފާނު ވަނީ އެދިވަޑައިގެންފައެވެ.
Best wishes to students across the country as they start the new school year. May your school year be one of adventure, discovery and unlocking your true potential. Remember that respect, kindness and caring for each other are as important as your formal lessons. Good luck.
— Ibrahim Mohamed Solih (@ibusolih) January 13, 2019
ދިރާސީ އާ އަހަރު ފެށުމުގެ މުސަބަތުގައި އެޑިއުކޭޝަން މިނިސްޓަރު ޑރ. އައިޝަތު އަލީ ފޮނުއްވެވި ތަހުނިޔާޒުގެ މެސެޖުގައި ވިދާޅުވީ މިއަހަރަކީ ދަރިވަރުންގެ ކުރިއެރުމަށް ހާއްސަ ޕްރޮގްރާމްތަކެއް ފެށިގެންދާނެ އަހަރެއް ކަމަށެވެ. އޭގެ ތެރޭގައި ހިމެނޭ ބައެއް ޕްރޮގްރާމްތައް ސަރުކާރުގެ ފުރަތަމަ 100 ދުވަހުގެ ވައުދުތަކުގެ ތެރޭގައި ހިމެނިގެން ކުރިއަށް ގެންދާނެ ކަމަށް މިނިސްޓަރު ވިދާޅުވިއެވެ.
"މި ދެންނެވި ކޮންމެ ޕްރޮގްރާމަކީ ވެސް ދަރިވަރުންގެ ކުރިއެރުމަށް ސަމާލުކަން ދެވިގެން، ދަރިވަރުންގެ ލާބައާއި މަންފާއަށް ރާވާލެވިފައިވާ ޕްރޮގްރާމްތަކެކެވެ. މީގެ ތެރޭގައި ބައެއް ޕްރޮގްރާތައް މި ދިރާސީ އަހަރުގެ ފެށިގެންދާކަން އަޅުގަނޑު އުފަލާއެކު ފާހަގަ ކުރަމެވެ،" އެޑިއުކޭޝަން މިނިސްޓަރުގެ ތަހުނިޔާގެ މެސެޖުގައިވެއެވެ.
