މާފަންނުގައި ހިނގި އެކްސިޑެންޓެއްގައި ހަތަރު މީހަކަށް އަނިޔާވެ، އެކަކު ހޭނެތިއްޖެ
އެކްސިޑެންޓުވީ ޕާކުކޮށްފައި އޮތް ކާރެއްގައި ޕިކަޕެއް ޖެހިގެން
މާފަންނު ހިރިޔާ ސްކޫލް ކައިރީގައި ހިނގި އެކްސިޑެންޓުގައި ކާރަކަށް ގެއްލުންވެފައި
މާފަންނުގައި ހިނގި ނުރައްކާތެރި އެކްސިޑެންޓެއްގައި އަނިޔާވި މީހަކު ހޭނެތިއްޖެއެވެ.
ހަތަރު މީހަކަށް އަނިޔާވި އެކްސިޑެންޓް ހިނގާފައި ވަނީ ހޯމަ ދުވަހުގެ ރޭ މެންދަމު ހިރިޔާ ސްކޫލް ކައިރީ، ކަނބާ އައިސާ ރަނި ހިނގުމުގައެވެ. އެކްސިޑެންޓު ހިނގާފައި ވަނީ ޕާކުކޮށްފައި އޮތް ކާރެއްގައި ދުއްވާފައި ދިޔަ ޕިކަޕެއް ޖެހިގެންނެވެ. އަނިޔާވި ހަތަރު މީހުންނަކީ ޕާކުކޮށްފައި އޮތް ކާރު ކައިރީގައި މަޑުކޮށްގެން ތިބި ހަތަރު މީހުންނެވެ.
ކަނބާ އައިސާ ރަނި ހިނގުމުގައި ހިނގި ނުރައްކާތެރި އެކްސިޑެންޓް-- ފޮޓޯ/ އަލީ ސަމާހް
މަންޒަރު ދުއް މީހަކު "ރާއްޖެއެމްވީ"އަށް ބުނީ އެ އެކްސިޑެންޓުގައި ހަތަރު މީހަކަށް އެކިވަރުގެ އަނިޔާވި ކަމަށާއި އެކެއްގެ ބޯ ތަނެއްގައި ޖެހި ހޭނެތުނު ކަމަށެވެ. ހޭނެތުނު މީހާ ވަނީ އައިޖީއެމްއެޗަށް ގެންގޮސްފައެވެ.
ޕާކުކޮށްފައި އޮތް ކާރުގައި ޖެހުނު ޕިކަޕު ދުއްވަން އިނީ ބިދޭސީ ޑްރައިވަރެކެވެ. އެ ސަރަހައްދަށް ދިޔަ ރާއްޖެއެމްވީގެ ނޫސްވެރިން ސުވާލު ކުރުމުން، ޑްރައިވަރު ބުނީ އެކްސިޑެންޓް ހިނގީ ޕިކަޕުގެ ގިޔަރު ފެއިލްވެގެން ކަަމަށެވެ.
ފުލުހުން ފަހުން ވަނީ ޕިކަޕު ދުއްވަން އިން ޑްރައިވަރު ހައްޔަރުކޮށްފައެވެ.
އެކްސިޑެންޓުގައި ޕާކުކޮށްފައި އޮތް ކާރަށާއި ޕިކަޕަށް ވެސް ބޮޑެތި ގެއްލުންތަކެއް ވަނީ ވެފައެވެ.
