ނަވާޒު ޝަރީފު ހަތް އަހަރަށް ޖަލަށް ހުކުމަށް ހުކުމްކޮށްފި
އިމްރާން ވިދާޅުވެފައި ވަނީ ކޮރަޕްޝަން ނައްތާލާނެ ކަމަށް
ނަވާޒްޝަރީފްގެ ސަޕޯޓަރުން މުޒާހަރާ ކުރަނީ
ޕާކިސްތާނުގެ ކުރީގެ ބޮޑުވަޒީރު ނަވާޒް ޝަރީފް ހަތް އަހަރަށް ޖަލަށް ލުމަށާއި 25 މިލިއަން ޑޮލަރުން ޖޫރިމަނާކުރަން ހުކުމްކޮށްފި އެވެ.
ޕާކިސްތާނުގެ އެންޓި ކޮރަޕްޝަން ކޮމިޝަނުން ހޯމަ ދުވަހު މި ހުކުމް އިއްވީ ސައުދީ އަރަބިއްޔާގައި ހިންގަމުންދާ އަޒީޒިއާ ސްޓީލް މިލްއާގުޅޭ ކޮރަޕްޝަންގެ މައްސަލަ ސާބިތު ވުމުންނެވެ.
ޕާކިސްތާނުގައި ތިން ފަހަރެއްގެ މަތިން ބޮޑު ވަޒީރުކަން ކުރައްވާފައިވާ ނަވާޒް ޝަރީފުގެ މައްޗަށް މި އަހަރުގެ ޖުލައި މަހު ވަނީ 10 އަހަރުގެ ޖަލު ހުކުމެއް އިއްވައިފަ އެވެ. ލަންޑަނުން ގެއެއް ގަތް މައްސަލާގައި އިއްވި އެ ހުކުމް އިސްތިއުނާފުކޮށްފައިވާއިރު، އިސްތިއުނާފުގެ މައްސަލަ ނިމެންދެން ނަވާޒް ޝަރީފް ހުރީ ދޫކޮށްލައިފަ އެވެ. އޭނާ ދޫކޮށްލީ މި އަހަރު ބޭއްވި އާންމު އިންތިޚާބަށް ފަހު ސެޕްޓެމްބަރު މަހު އެވެ.
ޕާކިސްތާނުގައި އާއްމު އިންތިޚާބު ޖުލައި މަހު ބޭއްވީ ނަވާޒް ޝަރީފް ހުންނެވީ ޖަލުގަ އެވެ. އެ އިންތިޚާބުން ނަވާޒްގެ ޕާކިސްތާނު މުސްލިމް ލީގު ވަނީ، ކުރީގެ ކުރިކެޓް ކުޅުންތެރިޔާ އިމްރާން ޚާންގެ ޕާޓީ ޕާކިސްތާން ތެހެރީތް އައި އިންސާފް (ޕީޓީ އައި) އާ ވާދަކޮށް ނާކާމިޔާބު ވެފައެވެ.
ޕާކިސްތާނުން ކޮރަޕްޝަން ނައްތާލާނެ ކަމަށް އިމްރާން ޚާން ވައުދުވެވަޑައިގެންފަ އެވެ.
