ރައީސް މައުމޫންގެ ދެކަނބަލުން ބޭސްފަރުވާއަށް އިންޑިއާގެ ކޮއިންބަތޫރަށް
22 ޑިސެމްބަރު 2018 | ހޮނިހިރު 07:21ހަފްތާއެއްގެ ތެރޭގައި ވަޑައިގަންނަވާނެ ކަމަށް ވިދާޅުވި
ރައީސް މައުމުންގެ ދެކަނބަލުން އިންޑިއާއަށް ފުރައިވަޑައިގެންނެވުން
ކުރީގެ ރައީސް މައުމޫން އަބްދުލް ގައްޔޫމާއި އެމަނިކުފާނުގެ އަނބިކަނބަލުން ނަސްރީނާ އިބްރާހިމް ބޭސްފަރުވާއަށް އިންޑިއާގެ ކޮއިންބަތޫރަށް ހޮނިހިރު ދުވަހު ފުރައިވަޑައިގެންފިއެވެ.
އިންޑިއާއަށް ފުރައިވަޑައިގެންނެވުމުގެ ކުރިން ރައީސް މައުމޫން ކުރެއްވި ޓްވީޓެއްގައި ވިދާޅުވީ ބޭސްފަރުވާއަށް ކުރައްވާ އެ ދަތުރުފުޅަށް ހަފްތާއަކަށް ވުރެ ގިނަ ދުވަސް ހޭދަ ވާނެ ކަމަށެވެ. ރައީސް މައުމޫންގެ ދެކަނބަލުން ވަޑައިގަންނަވާ ކޮއިންބަތޫރަކީ ދެކުނު އިންޑިއާގެ ޑަމިލްނާޑޫގެ ސިޓީއެކެވެ.
ރައީސް މައުމޫން އިންޑިއާއަށް ފުރައިވަޑައިގެންފައި ވަނީ ކޮންމެ މަހަކު ބާއްވާ ގުޅިފައިވާ ޕާޓީތަކުގެ ލީޑަރުންގެ މަޝްވަރާތައް މިދިޔަ ބުރާސްފަތި ދުވަހު ނިންމަވާލެއްވުމަށްފަހުގައެވެ. ހަތަރު ލީޑަރުން އެއްބަސްވެވަޑައިގެންފައި ވަނީ ސަރުކާރުން މަޖިލީހަށް ހުށަހަޅާފައިވާ މުހިއްމު ބިލުތައް ފާސްކުރުމަށް ދައުރުން ބޭރުން މަޖިލީހުގެ ޖަލްސާއެއް ބޭއްވުމަށެވެ.
