ހާލު ބޮޑުވި މަސްވެރިޔާ ކުޅުދުއްފުށީ ހޮސްޕިޓަލަށް ބަދަލުކޮށްފި
19 ޑިސެމްބަރު 2018 | ބުދަ 04:50އެކަކުގެ ހާލު ރަނގަޅު
އެމްއެންޑީއެފްގެ ކޯސްޓްގާޑް
މަސްވެރިކަމަށް ނިކުމެ އުޅުނު ދޯންޏެއްގެ ވަތް ސާފުކުރަން ފައިބައިއުޅެނިކޮށް ނޭވާ ހާސްވެ، ހާލުބޮޑުވި ދެމީހުންގެ ތެރެއިން އެކަކު އިތުރު ފަރުވާ އަށް ކުޅުދުއްފުށީ ހޮސްޕިޓަލަށް ގެންގޮސްފި އެވެ.
ހއ. ދިއްދޫ ހޮސްޕިޓަލް ހިންގުމާ ވަގުތީ ގޮތުން ހަވާލުވެގެން ހުންނެވި މުހައްމަދު ހާޝިމް ވިދާޅުވީ ހާލު ދެރަވެގެން އެ ހޮސްޕިޓަލްގައި މިހާރު ފަރުވާ ދެމުންދާ މީހާގެ ހާލު ރަނގަޅު ވަމުން އަންނަ ކަމަށެވެ.
އެކަކު ކުޅުދުއްފުށީ ހޮސްޕިޓަލަށް ބަދަލުކުރީ، އޭނާގެ ހާލު ދެރަވުމާއެކު އައިސީޔޫގައި ހިދުމަތް ދޭން ޖެހޭތީ ކަމަށް ހާޝިމް ވިދާޅުވި އެވެ.
ހއ.ތުރާކުނުގެ ހުޅަނގު އުތުރުން 12 މޭލު ބޭރުގައި މަސްވެރިކަން ކުރަން އުޅުނު "އާރކް" ނަމަކަށް ކިޔާ ދޯނީގައި ތިބި އުމުރުން 28 އަހަރާއި 33 އަހަރުގެ ދެ މީހުން ހާލު ބޮޑުވެގެން އެމްއެންޑީއެފް ނޮދަން އޭރިއާ ކޯސްޓްގާޑް ސްކޮޑްރަންގެ އެހީތެރިކަމާއެކު ހއ.ދިއްދޫއަށް އަންގާރަ ދުވަހުގެ ރޭގަ އެވެ.
މަސްވެރިކަން ކުރަން ނިލުމެ އުޅުނު "އާރކް" ދޯނީގައި ހާލު ބޮޑުވެގެން ހއ. ދިއްދޫ ހޮސްޕިޓަލަށް އަންގާރަ ދުވަހުގެރޭ ގެންދިޔަ މީހުންގެ ތެރެއިން އެކަކު އިތުރު ފަރުވާއަށް ކުޅުދުއްފުއްޓަށް ގެންގޮސްފިއެވެ.
