ޗެންނާއީއަށް ދަތުރުކުރާ ދިވެހިންނަށް ދިމާވާ ދަތިތައް ހައްލުކުރުމާ ބެހޭ ގޮތުން މަޝްވަރާކޮށްފި
ރައީސް ސޯލިހް މިމަހު އިންޑިއާއަށް ވަޑައިގަންނަވާނެ
ޚާރިޖީ ވަޒީރު ޝާހިދު (ކ) ޗެންނާއީގައި ހުންނަވާ ކޮންސުލް އާއިއެކު
ބޭސްފަރުވާއަށް ދިވެހިން އެންމެ ގިނައިން ދަތުރުކުރާ އިންޑިއާގެ އެއް ސިޓީ ކަމަށްވާ ޗެންނާއީގައި ދިވެހިންނަށް ދިމާވާ ދަތިތަކާއި، އެކަންތައްތައް ހައްލުކުރުމާ ބެހޭ ގޮތުން ޚާރިޖީ ވަޒީރު އަބްދުﷲ ޝާހިދު މަޝްވަރާ ކުރައްވައިފިއެވެ.
މިކަމާ ބެހޭ ގޮތުން މަޝްވަރާ ކުރައްވާފައި ވަނީ މިނިސްޓަރ ޝާހިދުގެ އަރިހަށް ހޯމަ ދުވަހު ޗެންނާއީގައި ހުންނަވާ ރާއްޖޭގެ އޮނަރަރީ ކޮންސުލް ޑރ. ހިޝާމުއްދީން ޕާޕާ ކުރެއްވި އިހްތިރާމްގެ ޒިޔާރަތެއްގައެވެ. މި ބައްދަލުވުން އޮތީ ފޮރިންގ މިނިސްޓްރީގައެވެ.
މި ބައްދަލުވުމުގައި ޗެންނާއީގައި ދިރިއުޅޭ އަދި އެ ސިޓީއަށް ޒިޔާރަތްކުރާ ދިވެހިންނަށް ދިމާވާ އެކި ދަތިތަކާއި، އެދަތިތައް ހައްލުކުރުމާ ބެހޭ ގޮތުން މަޝްވަރާކުރައްވާފައިވާކަމަށް ޚާރިޖީ ވުޒާރާއިން ބުނެއެވެ.
ޚާރިޖީ ވަޒީރު އަބްދުﷲ ޝާހިދު ވަނީ މަޤާމާ ހަވާލުވެވަޑައިގެންނެވި ހަފްތާގައި އިންޑިއާއަށް ވަޑައިގެން، އެ ޤައުމުގެ އިސް ބޭފުޅުންނާ މަޝްވަރާކުރައްވާފައެވެ. އަދި މިމަހުގެ 17 ވަނަ ދުވަހު ރައީސް އިބްރާހިމް މުހައްމަދު ސޯލިޙް އިންޑިއާއަށް ކުރައްވާ ދަތުރުފުޅުގައި ރާއްޖެ އާއި އިންޑިއާއާ ދެމެދު އައު ވިސާ އެއްބަސްވުމެއްގައި ސޮއި ކުރާނެކަން އެމަނިކުފާނު އިއުލާން ކުރެއްވިއެވެ.
