ޕްރިޔަންކާ އާއި ނިކް ކައިވެނި ކޮށްފި

ޕްރިޔަންކާ ޗޯޕްރާ އާއި އެމެރިކާގެ ލަވަކިޔުންތެރިޔާ ނިކް ޖޯނަސް ކައިވެނި ކޮށްފިއެވެ.

މި ޖޯޑު ކައިވެނި ކޮށްފައިވަނީ ހޮނިހިރު ދުވަހުގެ ހަވީރު ޖޯދުޕޫރުގައި ހުންނަ އުމެއިދް ބާވަން ޕެލަސްގައެވެ.

ޕްރިޔަންކާގެ ވެޑިން ގައުން އާއި ނިކް ގެ ސޫޓް ވެސް ފަރުމާ ކޮށްފައިވަނީ ރަލްފް ލޯރެން އެވެ. ޕްރިޔާންކާއާއި ނިކް 2017 ވަނަ އަހަރުގެ މެޓް ގާލާއިން ދިމާވިއިރު، ދެ މީހުންގެ ކޮސްޓިއުމް ޑިޒައިން ކޮށްފައިވަނީ ވެސް ރަލްފް ލޯރަންއެވެ.

އުމުރު 36 އަހަރުގެ ޕްރިޔަންކާ އާއި 26 އަހަރުގެ ނިކް ކައިވެނިކޮށްފައިވަނީ މިވަނީ އެ ދެ މީހުން އެންގޭޖް ކުރިތާ 4 މަސް ފަހުންނެވެ. އެ ދެ މީހުން އެންގޭޖް ކޮށްފައިވަނީ ހިންދީ ސަގާފަތާއި އެއްގޮތަށް މުމްބާއީގައެވެ.

މިކައިވެނި ހަފްލާގައި ދެ ފަރާތުގެ އާއިލާގެ ގިނަ މެންބަރުން ވަނީ ބައިވެރިވެފައެވެ.

ޕްރިޔަންކާ އާއި ނިކް ކައިވެނިކޮށްފައިވާއިރު، މި ދެ ފަންނާނުން ކައިވެނީގެ ތައްޔާރީތައް ފަށާފައިވަނީ ނޮވެމްބަރު މަހުގެ 28 ވަނަ ދީނީ އަޅުކަމަކުންނެވެ.