"ބްރޯ ހިނގާ ކަޅެއް ޖަހާލަން"ގެ ނަމުގައި ޕިރަމިޑްގެ ފިހާރައިގެ ފަރާތުން ޕްރޮޑަކްޓްތަކުގެ ރަހަ ބަލާލުމުގެ ހަރަކާތެއް ފަށައިފިއެވެ.

މި ހަރަކާތް ޕިރަމިޑްގެ ފަރާތުން ފަށާފައިވަނީ ހޮނިހިރު ދުވަހުގެ ހަވީރު 4 ޖެހިއިރުއެވެ. އަދި މި ހަރަކާތް ހޮނިހިރު ދުވަހުގެ ރޭ 10 ޖަހަންދެން ކުރިއަށްދާނެ ކަމަށް ޕިރަމިޑް އިން ބުނެއެވެ.

ރާއްޖެއެމްވީއަށް މައުލޫމާތު ދެއްވަމުން ޕިރަމިޑްގެ މާރކެޓިންގް މެނޭޖަރު މުހައްމަދު ސޮބާހު ވިދާޅުވީ އެ ހަރަކާތަކީ ޓުޑޭސް ޓޭސްޓް ބްރޭންޑުގެ މަސާލާ ޗާއި އަދި މާރިއޯ ބްރޭންޑުގެ މިލްކް ރަސްކު (ފާރޮށި) ގެ ރަހަ ބަލާލުމުގެ ހަރަކާތެއް ކަމަށާއި އެ ހަރަކާތުގެ ތެރެއިން އެ ޕްރޮޑަކްޓްތައް ވަރަށް ހެޔޮ އަގެއްގައި ލިބިގެންދާނެ ކަމަށެވެ. އަދި އެ ހަރަކާތުގެ ތެރެއިން ކަސްޓަމަރުންނަށް ޕްރޮޑަކްޓްތަކުގެ މައުލޫމާތު ހިއްސާކޮށް، ހާއްސަ އިނާޔަތްތަކެއް ލިބިގެންދާނެ ކަމަށް ވެސް ސޮބާހު ވިދާޅުވިއެވެ.

މި ހަރަކާތުގެ ތެރެއިން ޕިރަމިޑް އިން ވަނީ އެ ފަރާތުން ވިއްކާ މަސާލާ ޗާއިގެ ރަހަ ބާލުލުމަށް ވެސް ކަސްޓަމަރުންނަށް ހުޅުވާލާފައެވެ.

ޕިރައިމިޑް އިން އިތުރަށް ބުނީ ހީ ނުކުރާވަރުގެ ބޮޑު ތަރުހީބެއް އާންމުންގެ ފަރާތުން މި ހަރަކާތައް ލިބިފައިވާ ކަމަށެވެ.

މި އަންނަ އަހަރުން ފެށިގެން ޕިރައިމިޑްގެ އިތުރު ޕްރޮމޯޝަނަލް އިވެންޓްތައް ފެށުމަށް ނިންމާފައިވާ ކަމަށް ވެސް އެ ފަރާތުން މައުލޫމާތުދެއެވެ.

ޕިރަމިޑްގެ ފަރާތުން ވަނީ މިއަހަރުގެ ޖެނުއަރީ މަހު އާ ޕްރޮޑަކްޓެއް ލޯންޗުކޮށް ޖެމް ބިސްކޯދުގެ ޕްރޮމޯޝަނެއް ފަށާފައެވެ.