އެމް7 އިން މިފަހަރު ޕްރޮމޯޝަން ފެށީ ޖަޒީރާ ވަންތަ ފޮތްތަކާއެކު

އެމް7 އިން އަންނަ އަހަރުގެ ދިރާސީ ދައުރަށް ޚާއްސަކޮށްގެން ބާއްވާ ޕްރޮމޯޝަންގައި ފޮތްތައް ހުންނާނީ ޖަޒީރާ ވަންތަ ގޮތަކަށް ކަމަށް އެކުންފުނިން ބުނެފިއެވެ.

އެމް7ގެ ޖެނެރަލް މެނޭޖަރ އިބްރާހިމް ރަޝީދު ރާއްޖެއެމްވީއަށް ވިދާޅުވީ އެ ކުންފުނިން ވިއްކާ ފޮތްތަކުގެ ކަވަރުތައް ހަދާފައި ހުންނާނީ ރާއްޖޭގެ މާހައުލާ ގުޅޭ ގޮތަށް ޖަޒީރާ ވަންތަ ގޮތަކަށް ކަމަށެވެ. އިބްރާހިމް ރަޝީދު ވިދާޅުވީ އަންނަ އަހަރުގެ ދިރާސީ އާ އަހަރު ފެށުމަށް ފޮތް ލިސްޓް ފަސޭހަކަމާއެކު ގެންގޮސް ދިނުމުގެ ފަސޭހަ ހިދުމަތާއެކު، ބުކްސްޓޯރު ސްކޫލް ފޮތް ލިސްޓް ޕްރޮމޯ ފަށާފައިވާ ކަމަށެވެ. އެ ޕްރޮމޯ މި މަހުގެ 10 އިން ފެށިގެން ޖެނުއަރީ 15 ފަށާފައިވާ ކަމަށް އޭނާ ވިދާޅުވިއެވެ.

"އެމް7 ގެ ހުރިހާ އައުޓްލެޓްތަކުން ފޮތްތައް މިހާރުވެސް ލިބެމުން ދަނީ، އޭގެތެރޭގައި އެމް7 ބުކް ސްޓޯރ އަމީނީ މަގު އެމްސެވަން ބުކްސްޓޯރ-ވަން އަދި އަލް-ފަލާހް، އަދި ހެންވޭރު އިސްލާމިކް ޔުނިވާސިޓީ ގެ، އެމްސެވަން ބުކްސްޓޯރު –އައިޔޫއެމް އިން ލިބި ވަދައިގަންނަވާނެ. މާލެނައިސް އަތޮޅުތަކުންވެސް މި ހިދްމަތް ލިބޭނެ އަޅުގަނޑުމެންގެ ހޮޓްލައިން ނަންބަރެއް 9993610 އަށް ގުޅާލުމުން އަތޮޅުތެރޭގައި ފޮތްތައް ހަވާލުކުރުން ހަމަޖެހޭނެ." އިބްރާހިމް ރަޝީދު ވިދާޅުވިއެވެ.

އިބްރާހިމް ރަޝީދު ވިދާޅުވީ ފޮތް ލިސްޓުގެ އިތުރުން ކިޔަވާ ކުދިންނަށް ބޭނުންވާ އެހެނިހެން ސްޓޭޝަނަރީޒް ވެސް އެމް7 އިން ލިބެން ހުންނާނެ ކަމަށެވެ. އަދި އެމް7 އިން ވިއްކާނީ ކޮލެޓީ ރަނގަޅު ޕްރޮޑަކަޓްތައް ކަމަށް އޭނާ ވިދާޅުވިއެވެ. އެމް 7 އިން ކުރިއަށް ގެންދާ މި ޕްރޮމޯޝަންގެ ދަށުން އެތަނުން ފޯރުކޮށްދޭ ސްކޫލް ކުދިންގެ ފޮތް ލިސްޓް ހުންނާނީ މޮޅު ޕެކިންގައި ބަންދު ކޮށްފައި ކަމަށްވެސް އިބްރާހިމް ރަޝީދު ވިދާޅުވިއެވެ.