އެކްސަސއިޒް ދޯސްތީއަކީ ވެސްޓަން އިންޑިއަން އޯޝަންގައި ހިންގާ އެންމެ ބޮޑު އެކްސައިޒްކަމަށް އެމްއެންޑީއެފުން ބުނެފި އެވެ. 

އެކްސަސައިޒް ދޯސްތީ 14ގެ ހަރަކާތް ތަކާއި ބެހޭ މައުލޫމަތު ދެއްވުމަށް ކޯސްޓް ގާރޑް ބިލްޑިންގްގައި އާދިއްތަ ދުވަހު ހެނދުނު ބޭއްވި ބައްދަލުވުމުގައި ވާހަކަ ދައްކަވަމުން ކޯސްޓްގަރޑްގެ ޕްރިންސިޕަލް ޑައިރެކްޓަރ ލެފްޓިނެންޓް ކާނަލް މުހައްމަދު ސަލީމް ވިދާޅުވީ އެކްސަސއިޒް ދޯސްތީއަކީ ވެސްޓަން އިންޑިއަން އޯޝަންގައި ހިންގާ އެންމެ ބޮޑު އެކްސައިޒް ކަމަށެވެ.

ކާނަލް މުހައްމަދު ސަލީމް ވިދާޅުވީ އެކްސަސައިޒް ދޯސްތީއަކީ 1992 ވަނަ އަހަރުން ފެށިގެން ކޮންމެ ދެއަހަރަކުން އެއް އަހަރު އިންޑިއާ ކަނޑުގެ ސަލާމަތާއި ރައްކާތެރިކަން ނުވަތަ ރީޖަންގައި ހިންގާ ކަނޑުމަތީގެ ހާދިސާތަކަށް ރެސްޕޮންސް ދިނުމުގެ ގޮތުން މި ސަރަހައްދުގެ ގައުމުތައް ގުޅިގެން ހިންގާ އެކަސަސައިޒެއް ކަމަށެވެ. އަދި ދޯސްތީގެ ފައިނަލް ޕްލޭނިންގް ކޮންފަރެންސް އާދިއްތަ ދުވަހު ކޯސްޓްގާރޑް ގައި ބޭއްވޭނެ ކަމަށާއި، މި އެކްސަސައިޒްގައި ބައިވެރިވާ އުޅަނދުތަކުގެ އިތުރުން ހެލިކޮޕްޓަރާއި ޑޯނިއާ އެއްވެސް ބައިވެރިވާ ކަމަށް ކާނަލް ސަލީމު ވިދާޅުވިއެވެ.

މީގެ އިތުރުން ވެސް ސަލީމް ވިދާޅުވީ މީގެ ކުރިން ވެސް އެކަސައިޒް ދޯސްތީގައި ކަނޑުމަތީގެ ކަންކަމާއި ގުޅޭ ގޮތުން ތަމްރީންތައް ހެދިފައިވާނެ ކަމަށާއި މިފަހަރުގެ ތަމްރީން ތަކުގައި ވެސް މިހާރު އިންޑިއާ ކަނޑުގެ ސަރަހައްދުގައި ހިނގާ ކަނތައްތަކާ ގުޅޭގޮތުން މިހަރަކާތުގައި ބައިވެރިވަ ގައުމުތަކުން ހިންގަން ޖެހޭ އޮޕަރޭޝަންސްތައް ހިންގުމަށްޓަކައި ވާންޖެހޭ ތައްޔާރީތައް ވަމުންދާ ކަމަށެވެ.  

"ކޯސްޓް ގާރޑްގެ ހުރަވީ ރީފިޓައްފަހު މާލެ އައިސްފާއިވާއިރު ހުރަވީ ބައިވެރިވާނެ އަޅުގަނޑު މެންގެ ފަރާތުން. ދެން އިންދޑިއާގެ ފަރާތުން ދެ މަނަވަރަކާއި އަދި ސްޜީލަންކާގެ ކޯސްޓް ގާރޑްގެ މަނަވަރެއް ބައިވެރިވާއިރު އަދި އިންޑިއާގެ ޑޯނިޔާ އަކާއި އަދި އިންޑިއާ އުޅަނދުގައި އޮތް ހެލިކޮޕްޓަރެއް މިހާރަކާތުގައި ބައިވެރިވާނެ" ކާނަލް ސަލީމް ވިދާޅުވިއެވެ.

މިއެކްސަސައިޒްގައި އެމްއެންޑީއެފް ކޯސްޓް ގާރޑްގެ ފަރާތުން އެކަސަސައިޒް ކޮމާންޑަރެއްގެ ގޮތުގައި ހަރަކާތްތެރިވާ މޭޖަރ ރިޒްމީ ވަލީދު ވިދާޅުވި އެކަސަސައިޒް ފެށިގެންދާނީ ހޯމަ ދުވަހުގެ ހެނދުނު އޮންނަ ޚާއްސަ ރަސްމިއްޔާތަކަށްފަހު ކަމަށާއި މި ރަސްމިއްޔާތުގައި ޑިފެންސް މިނިސްޓަރ ބައިވެރިވެ ވަޑައިގަންނަވާނެ ކަމަށެވެ.

މި މަހުގެ 27 ވަނަ ދުވަހުގެ ހެނދުނުން ފެށިގެން ހުޅުމާލޭތެ އިރުމަތީ ފަރާތުގައި ދޯސްތީގެ ހަރަކާތްތައް ކަނޑުމަތީގައި ކުރިއަށް ދާނެކަމަށް ރިޒްމީ ވިދާޅުވިއެވެ. މި އެކްސަސައިޒްގައި ރިހާސް ކުރެވެމުންދާނީ ކަނޑު ފޭރުމުގެ ހާދިސާތަކާއި، މެރިތައިމް ޕްލިއުޝަން އަދި ސަރޗް އެންޑް ރެސްކިއުގެ ހަރަކާތްތައް މޭޖަރ ރިޒްމީ ވިދާޅުވިއެވެ.