ހޯމް މިނިސްޓަރ ފުލުހުންގެ އެގްޒެކެޓިވް ބޯޑު މެމްބަރުންނާއި ބައްދަލު ކުރައްވައިފި
ކޮމިޝަނަރ އޮފް ޕޮލިސް ވެސް މި ބައްދަލުވުމުގައި ބައިވެރިވިވަޑައިގެންނެވި
ހޯމް މިނިސްޓަރ ފުލުހުންގެ އެގްޒެކެޓިވް ބޯޑު މެމްބަރުންނާއި ބައްދަލު ކުރައްވަނީ
ހޯމް މިނިސްޓަރ ޝެއިހް އިމްރާން އަބްދުﷲ ފުލުހުންގެ އެގްޒެކެޓިވް ބޯޑު މެމްބަރުންނާއި ބައްދަލު ކުރައްވައިފިއެވެ.
އާދިއްތަ ދުވަހުގެ ރޭ ފުލުހުން ކުރެއްވި ޓުވީޓުގައި ވަނީ އިމްރާން ފުލުހުންގެ އެގްޒެކެޓިވް ބޯޑު މެމްބަރުންނާއި ބައްދަލު ކުރެއްވި ފޮޓޯ ހިއްސާ ކުރައްވާފައެވެ. އެހެންނަމަވެސް ބައްދަލުވުމުގައި މަޝްވަރާ ކުރެވުނު ކަންތައްތަކެއް ފުލުހުން ހާމަކޮށްފައެއް ނުވެއެވެ.
މި ބައްދަލުވުމުގައި ޕޮލިސް ކޮމިޝަނަރު ހަމްދޫން ރަޝީދު ވެސް ވަނީ ބައިވެރިވެވަޑައިގެންފައެވެ.
ރައީސުލްޖުމްހޫރިއްޔާ އިބްރާހިމް މުހައްމަދު ޞޯލިހްގެ އައު ސަރުކަރުގެ ހޯމް މިނިސްޓަރު ކަމަށް އިމްރާން އައްޔަން ކުރައްވާފައިވަނީ ހޮނިހިރު ދުވަހުގެ ރެއެވެ.
