ފްލޯރާ ޓީ، ރާއްޖެއަށް މުޅިން އައު، ތަފާތު ސައިފަތެއް!

ފްލޯރާ ޓީ މޯލްޑިވްސް ކުންފުނީގެ ފަރާތުން ގްރީން ޓީގެ އައު ސައިފަތެއް ރާއްޖެއަށް ތަޢާރުފުކޮށްފިއެވެ.

މި ސައިފަތަކީ އިނގިރޭސިވިލާތުގެ އުފެއްދުމެކެވެ. މި ސައިފަތުން ފެނިގެންދާ އެންމެ ތަފާތު އެއް ކަމަކީ ޓީބޭގްގައި ބަންދުކޮށްފައިވާ މާ ކަނޑާލުމަށްފަހު ހޫނު ފެނަށް، ލުމުން ވަރަށް ރީތިކޮށް އެ މާ މުޅި ތަށީގެ ތެރެއަށް ފޮޅިގެންދިއުމެވެ.

ފްލޯރާ ޓީގެ ތިން ބާވަތެއް ރާއްޖެއަށް ވަނީ ތަޢާރުފުކޮށްފައެވެ. އެއީ ޓީ ހާޓްސް، ޓީ ބޭގްސް އަދި ލޫޒް ޓީ ލީވްސް ހިމެނެއެވެ. ފްލޯރާ ސައިފަތުގައި ހިމެނޭ ރަހަތަކަކީ ލިލީ ފެއާރީ، ފްލާވާ ލަވަރ، އަދި ޖޭޒްމީން ވިތު ލަވްގެ އިތުރުން ސަމަރ ލަވްއެވެ.

މީގެ އިތުރުން ޓީ ހާޓްސްގެ 10 ރަހައެއް ހިމެނޭއިރު ލޫޒް ޓީ ލީވްސްގައި 27 ރަހައެއް ހިމެނެއެވެ. އަދި ޓީ ބޭގްސްގައި 10 ރަހައެއް ހިމެނެއެވެ.

ފްލޯރާ ޓީ އެމްވީގެ ޑައިރެކްޓަރ، ހުސެއިން ޝާހިރު ވިދާޅުވީ ރާއްޖެއަށް މިކަހަލަ ސައިފަތެއް ތަޢާރުފުކުރުމުގެ މަޤްސަދަކީ ސައި ބުއިމުގެ ސަޤާފަތް ރާއްޖޭގައި އިތުރުވުމުންދާ މި ދަނޑިވަޅުގައި ސިއްހަތަށް ފައިދާހުރި މީރު ސައިފަތެއް ދިވެހި ރައްޔިތުންނަށް ފޯރުކޮށްދިނުން ކަމަށެވެ. އަދި މި ސަޔަކީ ދުޅަހެޔޮ ސިއްހަތެއްގައި ހުންނަން ބޭނުންވާ ކޮންމެ ފަރާތަކަށްވެސް ރަނގަޅު ބުއިމެއް ކަމަށާއި 4 ފަހަރަށް މި ސައިފަތް ރީފިލް ކުރެވޭނެކަމަށްވެސް އޭނާ ވިދާޅުވިއެވެ.

މި ސައިފަތަކީ ސިއްހަތަށް ގިނަ ގުނަ ފައިދާތަކެއް ލިބޭ ބުއިމެކެވެ. އެގޮތުން ކޮލެސްޓްރޯލް ދަށްކޮށްދިނުމާއި ލޭ ދައުރުވުން އިތުރުކޮށްދިނުމުގެ އިތުރުން މި ސައިފަތުގައި ގިނަ ވިޓަމިންސްތަކެއް އެކުލެވިގެންވެއެވެ.

ފްލޯރާ ޓީ މޯލްޑިވްސް އަކީ ފްލޯރާ ޓީގެ ރާއްޖޭގެ ޑިސްޓްރިބިއުޓަރުގެ އިތުރުން ސްރީލަންކާގެވެސް ޑްސްޓްރިބިއުޓަރެވެ. އަދި މި ސައިފަތަކީ ޔޫރަޕްގައި ދޭ ގްރޭޓް ޓޭސްޓް އެވޯޑް ލިބިފައިވާ ދުނިޔޭގެ މަޝްހޫރު ސައިފަތެކެވެ.

ކުރިއަށް އޮތް ދުވަސްތަކުގައި ފްލޯރާ ޓީ މޯލްޑިވްސްގެ އައުޓްލެޓެއް ރާއްޖޭގައި ހުޅުވައި ވިޔަފާރި އިތުރަށް ފުޅާ ކުރުމަށް ވިސްނާފައިވާކަމަށް އެ ފަރާތުން ބުނެއެވެ.