ސީއެމްޑީއޭ އިން ވިޔަވަތި އެޕްލިކޭޝަން ތަޢާރަފްކޮށްފި

ކެޕިޓަލް މާކެޓް ޑިވެލޮޕްމަންޓް އޮތޯރިޓީ (ސީއެމްޑީއޭ) އިން ވިޔަވަތި އެޕްލިކޭޝަން ތަޢާރަފްކޮށްފިއެވެ.

ނޮވެމްބަރ 8 ވަނަ ދުވަހު މިއެޕްލިކޭޝަން ތަޢާރަފްކޮށްފައިވާ އިރު، ވިޔަވަތި މެދުވެރިކޮށް ސްޓޮކް އެކްސްޗޭންޖް މާކެޓްގެ އެންމެ ފަހުގެ މައުލޫމާތުތައް ބަލާލެވޭނެއެވެ.

މީގެ އިތުރުން މިއެޕްލިކޭޝަން މެދުވެރިކޮށް ކުންފުނިތަކުގެ އަހަރީ ރިޕޯޓާއި، ކުއާޓަލީ ރިޕޯޓާއި ފައިނޭންޝިއަލް ސްޓޭޓްމަންޓް ވެސް ފަސޭހަކަމާއެކު ބަލާލެވޭނެއެވެ.

ސީއެމްޑީއޭ އިން ބުނީ މި އެޕްލިކޭޝަން މެދުވެރިކޮށް ސްޓޮކް އެކްސްޗޭންޖާއި ގުޅޭ މުހިއްމު މައުލޫމާތުތައް ލިބެން ހުންނާނެ ކަމަށާއި އެގޮތުން ތަފާތު ގިނަ އާރޓިކަލްތަކާއި ރިޕޯޓްތަކާއި، ހޭލުންތެރިކަން އިތުރުކުރުމަށް ކުއިޒްތައް ވެސް ހުންނާނެ ކަމަށެވެ.

އަދި ފައިނޭންޝިއަލް ފެކްޓަރ އަށް ހާއްސަކޮށްގެން ޑިކްޝަނަރީގެ ވަސީލަތް ލިބިގެންދާއިރު ހޭލުންތެރިކަން އިތުރުކޮށް ތަޖްރިބާ ލިބިގަތުމަށް ގޭމްސްތައް މިއެޕުގައި ހުންނާނެ ކަމަށް ސީއެމްޑީއޭ އިން ބުންޏެވެ.