ބްރެޑް ޕިޓް މީގެ ފަހުން މަޝްހޫރު މީހަކާ ޑޭޓް ނުކުރާނެ!
އެންޖެލީނާ ޖޯލީ އާއި ބްރެޑްގެ ކައިވެނި ރޫޅުނީ 2016 ވަނަ އަހަރުގެ ސެޕްޓެމްބަރު މަހު
ބްރެޑް ޕިޓް (ކ) އަދި އެންޖެލީނާ ޖޯލީ (ވ)
ހޮލީވުޑްގެ ތަރި ބްރެޑް ޕިޓް މީގެ ފަހުން މަޝްހޫރު މީހަކާ "ޑޭޓް" ނުކުރާނެ ކަމަށް އޭނާގެ ގާތް މީހަކު ބުނެފައިވާ ކަމަށް ރިޕޯޓްތައް ބުނެފިއެވެ.
ރިޕޯޓްތައް ބުނާ ގޮތުން ބްރެޑް ޕިޓްގެ ގާތް މީހާ ބުނީ ބްރެޑް ޕިޓް އާއި އެކްޓްރެސް އެންޖެލީނާ ޖޯލީ ވަރިވި ފަހުން އޭނާ މަޝްހޫރު މީހުންނާ "ޑޭޓް" ކުރުމުގެ ވިސްނުމެއް ނުގެންގުޅޭ ކަމަށާއި، އޭނާ ގުޅުން ބޭއްވިޔަސް ބާއްވާނީ މަޝްހޫރު ނޫން މިހާކާ ކަމަށެވެ.
ބައެއް ރިޕޯޓްތައް ބުނާ ގޮތުން ފާއިތުވެދިޔަ މަސް ތަކުގައި ބްރެޑް ޕިޓް އަންނަނީ ބައެއް އަންހެނުންނާ އެކު ވަގުތު ހޭދަކުރަމުންނެވެ.
ހޮލީވުޑްގެ އެންމެ މަޝްހޫރު ތަރިންގެ ތެރޭގައި ހިމެނޭ އެންޖެލީނާ އާއި ޕިޓްގެ ކައިވެނި ރޫޅާލުމަށް ކޯޓަށް ވެއްދީ 2016 ވަނަ އަހަރު ސެޕްޓެމްބަރު މަހުގެ ތެރޭގައެވެ.
އެ ދެ މީހުން ވަކިވާން ނިންމި އިރު، ހަ ކުދިން އެބަތިއްބެވެ. އޭގެ ތެރޭގައި އެޑަޕްޓްކޮށްފައިވާ ކުދިން ވެސް ހިމެނެއެވެ. ދެ މީހުން ވަކިވި ފަހުން ދަރިން ތިބެނީ އެންޖެލީނާގެ ކައިރީގައެވެ. އަދި ދަރިންނަށް ޒިޔާރަތްކުރުމުގެ ފުރުސަތު ޕިޓަށް އޮވެއެވެ.
އެންޖެލީނާ އާއި ޕިޓް ކައިވެނި ކުރީ 2014 ގައެވެ. ނަމަވެސް އޭގެ ދެ އަހަރެއްހާ ދުވަސް ފަހުން ކައިވެނި ރޫޅާލަން ނިންމި ސީދާ ސަބަބެއް މިހާތަނަށް ހާމަކޮށްފައެއް ނުވެއެވެ. ބައެއް ރިޕޯޓްތައް ބުނާ ގޮތުން ޕިޓްގެ ކައިރިން ވަރިވާން އެންޖެލީނާ ނިންމީ ބޭވަފާތެރިވުމާއި ދަރިއަކަށް އަނިޔާކުރި ކަމަށް ބުނާ މައްސަލައެއްގައެވެ.
