ކުރީގެ ނައިބު ރައީސް އަހުމަދު އަދީބަށް ބޭނުންވާ ބޭސްފަރުވާގެ ކަންކަން ހަމަޖެއްސުމަށް ރާއްޖެ އިން ބޭރަށް ދިއުމުގެ ފުރުސަތު ދޭންޖެހޭ ކަމަށް ކުރީގެ ރައީސް މައުމޫން އަބްދުލް ގައްޔޫމް ވިދާޅުވެއްޖެއެވެ.
ރައީސް މައުމޫން ކުރައްވާފައިވާ ޓްވީޓުގައި ވިދާޅުވެފައި ވަނީ އަދީބު ޖަލަށް ލެވުނުތާ ތިން އަހަރުގެ ވެގެން ގޮސްފައިވާ ކަމަށެވެ. ހުރިހާ ގައިދީންނެކޭ އެއްގޮތަށް އަދީބަށް ވެސް ސިއްހީ ފަރުވާ ހޯދެއްވުމަށް ޑޮކްޓަރުން ލަފާދެއްވާ ގޮތެއްގެ މަތިން ރާއްޖެއިން ބޭރަށް ދިއުމުގެ ފުރުސަތު ލިބެންޖެހޭ ކަމަށެވެ.
It is 3 years since former VP Adeeb was jailed. As all prisoners, he must be treated humanely and must be allowed to go abroad for medical treatment as advised by doctors.
— Maumoon Abdul Gayoom (@maumoonagayoom) October 24, 2018
މައްޗަންގޮޅި އުތުރު ދާއިރާގެ މެންބަރު މާރިޔާ އަހުމަދު ދީދީ ވިދާޅުވީ، އަހުމަދު އަދީބުގެ ސިއްހީ ހާލަތު ދުވަހެއް ދުވަހަކަށް ގޯސްވަމުންދާ ކަމުގެ މައުލޫމާތު ލިބިފައިވާ ކަމަށެވެ. އެގޮތުން ކިޑްނީގައި ހިލަ އުފެދުމާއި ސިސްޓް އުފެދިފައިވުމުން ފަރުވާދޭންޖެހޭ އިރު ލޮލުގެ ހާލަތު ވެސް ދުވަހުން ދުވަހަށް ގޯސްވަމުންދާ ކަމަށް އެނާ ވިދާޅުވިއެވެ. ކޮންމެ މީހަކަށް ވެސް ސިއްހީ ފަރުވާ އެންމެ ފުރިހަމަ ގޮތުގައި ލިބެން ޖެހޭނެ ކަމަށް އޭނާ ވިދާޅުވިއެވެ.
I’m told jailed Former VP @Ahmed_Adeeb’s condition is getting worse with him developing kidney stones & cysts that need urgent attention. He has a problem with his eyes too which needs treatment. Everyone should have access to proper medical treatment. #AuthoriseMedicalForAdeeb
— Mariya Didi (@MariyaDidi) October 24, 2018
އަދީބުގެ ގާނޫނީ ވަކީލު މޫސާ ސިރާޖު ވިދާޅުވެފައި ވަނީ އަދީބުގެ އެންމެ ފަހުގެ ސްކޭންތަކުން އެތެރެ ހަށީގައި އިތުރު ސިސްޓް އަދި ހިލަތަކެއް އުފެދިފައިވާ ކަމަށެވެ. އަދި ސިއްހީ ހާލަތު ކުރިއަށް ވުރެ ވެސް ގޯސްވެފައިވާތީ ގޭބަންދަށް ބަދަލުކޮށް ފަރުވާ ދިނުމަށް ޑޮކްޓަރު ލަފާދެއްވާފައިވާ ކަމަށެވެ.
VP @Ahmed_Adeeb ge hedhifava CT scan in dhahka gothuga ethere hasheega ithuru cyst adhi hila thakeh ufedhi, sihhee haalukolhu maabodah goas vefa vaathee geybandhah badhalukoh faruva dhinumah Dr. vanee miadhu lafaa dhehvaafa.
— Moosa Siraj (@MoosesSiraj) October 24, 2018
Geybandhah badhalu kohdhehva @PoliceMv @Corrections_Mv
މިމަހުގެ 10 ވަނަ ދުވަހު ކިޑްނީގެ ޓެސްޓުތަކެއް ހެދުމަށް އަދި ޔޫރޮލޮޖިސްޓަކަށް ދެއްކުމަށް އަދީބު އައިޖީއެމްއެޗަށް ގެނެވުނެވެ. އެދުވަހުވަނީ ސީޓީ ސްކޭނެއްވެސް ހައްދާފައެވެ.
އަދީބުގެ ސިއްހީ ހާލަތާއި ގުޅިގެން ރާއްޖެއިން ބޭރަށް ދިއުމަށް ޑޮކްޓަރުން ލަފާދެއްވާފައިވާ އިރު ސަރުކާރުން ދަނީ އެކަމަށް ހުރަސް އަޅަމުންނެވެ. ރައީސް އަބްދުﷲ ޔާމީންގެ އެންމެ އަރިސް ބޭފުޅެއްގެ ގޮތުގައި އަދީބު އުޅުއްވި ނަމަވެސް އެމްއެމްޕީއާރްސީގެ ކޮރަޕްޝަނުގެ މައްސަލައާ ގުޅިގެން ތިން ދައުވާއެއް ސާބިތުކޮށް 33 އަހަރުގެ ޖަލު ހުކުމެއް ވަނީ އިއްވާފައެވެ. އެ މައްސަލައިގައި ގިނަ ދައުވާތަކެއް އުފުލި ޝަރީއަތްތައް ދަނީ މިހާރު ވެސް ހިނގަމުންނެވެ.
އަދީބުގެ ބޭސްފަރުވާއާ ގުޅިގެން މި އަހަރުގެ އޮގަސްޓް މަހުގެ ތެރޭގައި ތ.ގުރައިދޫގައި ވާހަކަފުޅު ދައްކަވަމުން ރައީސް ޔާމީން ވިދާޅުވީ، އަދީބު ނެންގެވި ފައިސާ އަނބުރާ ދެއްކުމުން ނޫނީ ބޭސްފަރުވާއަށް ދިއުމަށް ފުރުސަތު ދެވެން ނެތް ކަމަށެވެ. ދައުލަތުން ނެގި ފައިސާ އަނބުރާ ދެއްކުމުން ނޫނީ ކިތަންމެ ބަލިވި ކަމުގައިވީ ނަމަވެސް އެމީހެއްގެ އިންސާނީ ހައްގެއް އޮންނާނެ ކަމަށް ގަބޫލުފުޅު ނުކުރައްވާ ކަމަށް ވަނީ ވިދާޅުވެފައެވެ.
