ބޮލީވުޑްގެ މަޝްހޫރު ދެ ތަރިން ކަމަށްވާ ދިޕިކާ ޕްދުކޯނާއި ރަންވީރު ސިންގް ގެ ކައިވެނި ކުރާ ދުވަސް އިއުލާން ކުރުމާއި އެކު ދީޕިކާގެ ކުރީގެ ލޯބިވެރިޔަކު އޭނާއަށް މަރުބަހާ ކިޔައިފިއެވެ.
އެގޮތުން ދީޕިކާ ކުރިން ލޯބީގެ ގޮތުން ގުޅިގެން އުޅުނު ކަމަށް އަޑުތައް ފެތުރިފައިވާ ސިދްހާތް މާލިޔާ ވަނީ އިންސްޓަގްރާމްއިން ދީޕިކާގެ ކައިވެނި އިއުލާން ކޮށްފައިވާ ފޮޓޯއަށް ކޮމެންޓް ކޮށްފައެވެ. ސިދްހާތް ވަނީ މަރުހަބާ ކިޔަން ފޭސް އިމޯޖީއެއް ހަމައެކަނި ބޭނުން ކޮށްފައެވެ.
ދީޕިކާއި ސިދްހާތާއި ދެމެދު ގުޅުމެއް އޮތް ކަމަށް މިދެމީހުން ވެސް އެއްބަސްވެެފައިނުވި ނަމަވެސް އެކުގައި ގިނަ ތަންތަނުން ވަނީ ފެނިގެން ގޮސްފައެވެ.
އެހެން ނަމަވެސް މާ ގިނަ ދުވަހެއް ނުވެ މި ގުޅުމަށް ހީނަރުކަން އައި ކަން ބޮލީވުޑުގެ ހަބަރުތައް ގެނެސްދޭ ފަރާތްތަކުން ވަނީ ހާމަކޮށްފައެވެ.
ދީޕިކާއާއި ރަންވީރުގެ ކައިވެނީގެ ވާހަކަ ދެކެވޭތާ މަހަކަށް ވުރެ ގިނަ ދުވަސް ވެފައި ވަނިކޮށް އެދެތަރިން ވަނީ އަންނަ ނޮވެމްބަރު މަހުގު 14 އަދި 15 ގައި ކައިވެނި ކުރާ ވާހަކަ އިއުލާން ކޮށްފައެވެ.
ކައިވެނި ކުރާ ވާހަކަ މިދެތަރިން ޓްވިޓާގައި ހިއްސާ ކުރި ނަމަވެސް ކައިވެނި ކުރާނެ ވަކި ތަނެއް ހާމަ ކޮށްފައެއް ނުވެއެވެ. ޚަބަރުތައް ބުނާ ގޮތުން މި ދެ ތަރިންގެ ކައިވެނީގެ ވަލީމާ ބޭއްވުމަށް ހަމަޖެހިފައިވަނީ ދެމީހުންގެ ވެސް ފޭވަރިޓް މަންޒިލް ކަމަށްވާ އިޓަލީގެ ލޭކް ކޯމޯ ގައެވެ.
މި ކައިވެނީގެ އެނައުންސްމަންޓް މި ދެތަރިން ވަނީ އިނިގިރޭސި ބަހުންނާއި ހިންދީ ބަހުން ވެސް ހިއްސާ ކޮށްފައެވެ.
ދީޕިކާ އާއި ރަންވީރު ގެ ލޯބީގެ ގުޅުން ފެށިފައިވަނީ ދެ ތަރިން އެކުގައި ކުޅެފައިވާ ފިލްމް "ގަލިޔޯންކީ ރަސީލާ ލާމްލީލާ" ގެ ޝޫޓިންގެ ތެރެއިންނެވެ.
މި ދެތަރިންގެ ކައިވެނި އިއުލާން ކުރުމާއި އެކު ގިނަ ފަރާތްތަކަކުން ދަނީ މި ދެތަރިންނަށް މަރުހަބާ ކިޔަމުންނެވެ.
ދީޕިކާ އާއި ރަންވީރު ވަނީ އެކުގައި ތިން ފިލްމެއްގައި މަސައްކަތް ކޮށްފައެވެ. އޭގެ ތެރޭގައި ސަންޖޭ ލީލާ ބަންސާލީގެ "ގަލިޔޯންކީ ރަސީލާ- ރާމް ލީލާ"، "ބަޖީރާއޯ މަސްތާނީ" އަދި ދާދި ފަހުން ކުޅުނު "ޕަދްމާވަތު" ހިމެނެވެ.
މީގެ އިތުރުން ރަންވީރު ދެން އެންމެ އަވަހަށް ބެލުންތެރިންނާއި ހަމައަށް ފެނިގެންދާނީ ރޯހިތު ޝެޓީގެ ސިމްބާއިންނެވެ. މި ފިލްމުގައި ދެން ފެނިގެންދާނީ ސައިފް އަލީ ޚާންގެ ދަރި ސާރާ އަލީ ހާންއެވެ. ފިލްމު ރިލީޒް ކުރުމަށް ހަމަޖެހިފައިވަނީ ޑިސެމްބަރ 28، 2018ގައެވެ.
