ފަސްޓްލޭޑީ ފާތުން މާލެ ވަޑައިގެންފި
19 އޮކްޓޯބަރު 2018 | ހުކުރު 07:06އެކަމަނާ މާލެ ވަޑައިގެންފައި ވަނީ މިއަދު
ތަހާރަތު މުހައްމަދު ވަހީދު | 19 އޮކްޓޯބަރު 2018 | ހުކުރު 07:06
މެޑަމް ފާތުން މާލެ ވަޑައިގަތުން
ނިމިދިޔަ ރިޔާސީ އިންތިޚާބުގެ ނާ ކާމިޔާބީ އަށް ފަހު ރައީސް އަބްދުﷲ ޔާމީންގެ އަނބިކަނބަލުން ފާތިމަތު އިބްރާހީމް ސައުދީ އަށް ވަޑައިގެންނެވުމަށް ފަހު އެނބުރި ރާއްޖެ ވަޑައިގެންފިއެވެ.
ފަސްޓް ލޭޑީ ފާތުން ރާއްޖެ ވަޑައިގަތުމުން ވެލާނާ އިންޓަނޭޝަނަލް އެއާޕޯޓުން މަރުހަބާ ދެންނެވީ ފިރިކަލުން ރައީސް އަބްދުﷲ ޔާމީނާއި ބައެެއް ވަޒީރުންނެވެ. އަދި އެއް ނަންބަރު ފާލަންކައިރީ ގައި އެކަމަނާ އަށް މަރުހަބާ ދެންނެވުމަށް ފަސްޓް ލޭޑީއަށް ތާއީދުކުރާ ބައެއް މީހުން ވެސް ގޮސް ތިއްބެވެ.
މެޑަމް ފާތުން ސައުދީ އަށް ވަޑައިގެންފައި ވަނީ މިމަހުގެ ހަތަރު ވަނަ ދުވަހުއެވެ.
އެންމެ ހަގު ފިރިހެން ދަރިކަލުންނާ އެކު އެކަމަނާ ސައުދީ އަށް ވަޑައިގެންނެވި ވަކި ސަބަބެއް ހާމަކޮށްފަ އެއް ނުވެއެވެ.
