ރައީސް އަބްދުﷲ ޔާމީން އަބްދުލްގައްޔޫމްގެ އަނބިކަނބަލުން ފާތިމަތު އިބްރާހިމް މާލެ ވަޑައިގަންނަވަނީ ބުރާސްފަތި ދުވަހު ކަމަށް ޕީޕީއެމުން ބުނެފިއެވެ.
ޕީޕީއެމުން ބުނީ ފަސްޓްލޭޑީ ފާތުން މާލެ ވަޑައިގެންނެވުމަށް ހަމަޖެހިފައިވަނީ ބުރާސްފަތި ދުވަހު ހެނދުނުގެ ފްލައިޓަކުން ކަމަށާއި، ހެނދުނު 7:30 ގައި ފަސްޓްލޭޑީއަށް މަރުހަބާ ދެންނެވުމަށް އެއް ނަމްބަރު ފާލަމަށް ދިއުމަށް ވީހާ ވެސް ގިނަ ރައްޔިތުން ދިއުމަށް އެދޭ ކަމަށެވެ.
ފަސްޓްލޭޑީ ސައުދީއަށް ވަޑައިގެންނެވީ މިމަހުގެ ހަތަރު ވަނަ ދުވަހު އެވެ. އެކަމަނާ ސައުދީއަށް ވަޑައިގެންނެވި ވަކި ސަބަބެއް ހާމައެއް ނުކުރެއެވެ.
