ކ. މާލެ
|
15 އޮކްޓޯބަރ 2018 | ހޯމަ 19:05
ސެޕްޓެމްބަރު 23، 2018: ވޯޓު ގުނުމުގެ މަސައްކަތުގައި އުޅުނު އޮފިޝަލުން ވޯޓު ކަރުދާސް ވަކިވަކިން ދައްކަނީ
ސެޕްޓެމްބަރު 23، 2018: ވޯޓު ގުނުމުގެ މަސައްކަތުގައި އުޅުނު އޮފިޝަލުން ވޯޓު ކަރުދާސް ވަކިވަކިން ދައްކަނީ
ރާއްޖެ އެމްވީ
މަގޭ ރިޕޯޓު
ލޮނދި ހިކައެއް ކަހަލަ ފާހަގަ
 
ފާހަގައާ ގުޅޭ ގޮތުން ތަރުޖަމާނު މުއާޒު ވަނީ ފިސާރި ވާހަކައެއް ތިލަ ކުރައްވާފައި

ސެޕްޓެމްބަރ މަހުގެ 23 ވަނަ ދުވަހު ބޭއްވި ރިޔާސީ އިންތިޚާބްގެ ނަތީޖާ ރައީސް ޔާމީންއަށް ގަބޫލުފުޅު ނުކުރެއްވިގެން އުޅުއްވާ ވާހަކަ އަކީ އެއްމެންދަންނަ ވާހަކަ އެކެވެ.އިންތިޚާބުން ބަލިވެ ވަޑައިގަތުމުން އެކަން ހަޖަމް ނުކުރެއްވިގެން އުޅުއްވާ ވާހަކަ އާއި ކޮއްމެ ގޮތެއް ހައްދަވައިގެން ނަމަވެސް ވެރިކަމުގައި ބަގުޑި ބައްދަވައިގެން ބާރަށް ދަތްއަޅުއްވައިގެން ހުންނަވަން އުޅުއްވާ ވާހަކަ އަކީވެސް އެއްމެން ދަންނަ ވާހަކަ ތަކަކެވެ. އަޖައިބެއް ފަދަ ވާހަކަ ތަކެއްނަމަވެސް ލިޔެވޭ އަނގޮޓިއަކާ، ކުލަފިލާ ގަލަމަކާ ،ވޯޓް ކަރުދާހުގާ އުނގުޅާ ތެލެއްގެ ވާހަކަ އަކީވެސް ޚިޔާލީގޮތުން ރައީސް ޔާމީން ގެންގުޅުއްވާ އެއްޗެހި ތަކެއްކަމީ އެއްމެންވެސް ދަންނަ ވާހަކަ އެކެވެ. 

މި ހުރިހާ ވާހަކަ ތަކެއް އިވިއިވި އެއްގޯސް ވެފާހުއްޓާ ރައީސް ޔާމީންގެ ތަރުޖަމާން މުޅިން އާވާހަކަ އެއް ދައްކާއިފި ކަމުގެ ޚަބަރު ރަށުތެރޭގައި ފަތު އަޑު ކިޔާފާ ފެތުރިގެންފިއެވެ. އެއީ ފިސާރި ވާހަކަ އެކެވެ. އެއީ ސިހުރަކަށް ވުރެ ނުބައި ޖާދޫ އަކަށް ވުރެ މޮޔަ ޚިޔާލަކަށްވުރެ ނުރައްކާ ވާހަކަ އަކަށްވުރެ އުނި ރައިވަރަކަށް ވުރެ އޮޅުން ބޮޑު ފަރިއްސަކަށް ވުރެ ދިގު ދޮގަކަށް ވުރެ ދޮގުކަން ބޮޑު ވާހަކައެކެވެ. އެވާހަކަ ހިފައިގެން މީހުން ގަނޑު ތެދުވެގަތީ ތަނެއް ދޮރެއް ބަލާފައެއް ނޫނެވެ. 

ވޯޓު ގުނުމުގެ މަސައްކަތް އޮބްޒާވަރުންނާއި މޮނީޓަރުންނާއި އާންމުންގެ ކުރިމަތީގައި ކުރިއަށް ދަނީ-- ފޮޓޯ/ ރާއްޖެއެމްވީ

ކޮންމެއަކަސް ތަރުޖަމާނު ދެއްކި މި ވާހަކައެއް އޮޅުންފިލުވާލަން ބައެއް މީހުން ގާތު ސުވާލު ކޮށްލައިފީމެވެ. އެމީހުން ބުނީ އޭނާ ދެއްކީ ވޯޓް ކަރުދާހުގާ ޖަހާ ފާހަގައެއްގެ ވާހަކަ ކަމުގައެވެ. އެއީ އަޖައިބެއްފަދަ ފާހަގައެކެވެ. ރަބަރު ދޫވެފައި އޮންނަ ހަރުވާޅެއްފަދަ އެއްޗެކެވެ. މަތީ އޮންނަ ގޮޅީގައި ޖެހުމުން ތިރިއަށް ވެއްޓެނީއެވެ. ލޮންދިކަމުން ހިފަހައްޓައެއް ނުލެވެއެވެ. މަތީއޮންނަ ގޮޅީގައި ޖެހުމުގެ ކުރިން އަތުތެރެއިން ދެމިގެންވެސް ވެއްޓެނީއެވެ. އެއީ ދިރޭރަހަ ކޮޅެއްކަހަލަ އެއްޗެކެވެ. ހުދު ކާފޫރު ކޮޅެއް ފަދައެވެ،ބިއްލޫރި ކޮޅެއް ފަދަ އެއްޗެކެވެ. 

އިންތިޚާބުން އިދިކޮޅު ކެންޑިޑޭޓް މޮޅު ކުރުމަށް އިލެކްޝަން ކޮމިޝަނުން ދިން އެ ފާހަގަ ޖެހުމުން ބަލަބަލާ ހުއްޓާ އެ ފާހަގަ ވެއްޓުނު ތަން ދުއްމީހުންނާ، ވަޔަށް އަރައިގެން ދިޔަ މަންޒަރު ދުއް މީހުންނާ ، ފާހަގަ ބިންމައްޗަށް ވެއްޓި ތަޅާއިގެން ދިޔަ ތަން ދުއްމީހުންނާ، އެއް ނަމްބަރު ގޮޅީގާ އޮތް ފާހަގަ ހުދުހިފާ ގޮސް ދެ ނަމްބަރު ގޮޅިއަށް ޖެއްސި މަންޒަރު ދުއްމީހުންނާ، ހަތަރެސްފާ ޖަހާފައި ފާގަ ދުއްވާގެން ތަން ދުއް މީހުން ތަރުޖަމާނު ގާތު އެވާހަކަ ކިޔައިދީފިޔޭ ވެސް އެމީހުން ބުންޏެވެ. ބައެއް މީހުން އަޅުގަނޑަށް ކިޔާ ދިން ގޮތުގާ ޕީޕީއެމްގެ ބައެއް މީހުން ޖެހި ފާހަގަ ހަރު ނުލައިގެން ހީރަސް ޖަހައިގެން ފާހަގަ ހިފެހެއްޓި ކަމަށާ ބަންނަ ރަބަރު އަޅުވާއިގެން ފާހަގަ ގޮޅީގައި ބަނތް ވާހަކަވެސް ތަރުޖަމާނަށް ވަނީ ކިޔާދީފަ އެވެ. އަދި ވޯޓު ލާ ނިމުނު އިރު ބައެއް މީހުން ޖެހި ފާހަގަތައް މޭޒުމަތީގައި ހުރި ވާހަކަ އާއި އެތަން ކުނިކެހި މީހުންނަށް ބިންމައްޗަށް ފައިބާފާ ހުރި އެތައް ފާހަގައެއް ފެނުނު ވާހަކައާއި، ވޯޓް ފޮށީގެ ބައެއް އޮފިޝަލުންގެ ގައިގާ ދިޔާވެފައި ހުރި ބައެއް ފާހަގަތަށް އުންގުޅިފައި ހުރި މަންޒަރު ފެނުނުކަމަށް ތަރުޖަމާނަށް ބަޔަކު މީހުން ކިޔާ ދީފިއޭވެސް އެމީހުން އަޅުގަނޑު ގާތުގައި ބުންޏެވެ. އަދި މީ ހުސް ހެކި ކަމުގަޔާ މީރައީސް ޔާމީން އަށް ލިބުނު ވޯޓްތަކެއް ކަމަށް ވެސް ތަރުޖަމާނު ގާތު ބަޔަކު ކިޔާ ދިން ކަމަށް އެ މީހުން ބުންޏެވެ.

ކޮންމެޔަކަސް މި ވާހަކަ އަޑު އިވުމާއި އެކު އޅުގަނޑަށް ވެސް ލިބުނީ ޝޮކެކެވެ. އެބުނާ ފާހަގައެއް ސިފަ ކުރަން ނޭންގި އެތެއް އިރަކު ހުރެފާ އަޅުގަނޑަށްވެސް ބުނެވުނީ ތަރުޖަމާނުވެސް އެ ބުނާ ހެންނެވެ. ތެދުފުޅެކެވެ. އެއީ ހަމަ ލޮނދި ހިކައެއްކަހަލަ ފާހަގަ އެކެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: އަބުދުﷲ ނަސީރު އިބްރާހިމް
6%
6%
0%
2%
18%
69%
ކޮމެންޓް
15 އޮކްޓޯބަރ 2018 | ހޯމަ 16:10
Shaba
Kiyan feshi iraku liyuntheriyaa nubalan,,, ekamaku kiyamun dhiyavarakah hithan ery yageeney Amir Saleem ge liyumehkkan mi .. Hehehehe one of the best writer . ☺
15 އޮކްޓޯބަރ 2018 | ހޯމަ 14:28
ގޭްސް
އަނެއްކާ އެބުނާ ފާހަގައެއް ދިޔައީ އަޑިން ނާއި މަތިން އާއަ ތިރިން ނޯ. ހެ ހެއް.
ގުޅުންހުރި
ފުލުހުންގެ ހިދުމަތަށް 91 އަހަރު - މިދިޔަ 5 އަހަރަކީ ފުލުހުންގެ ތަރައްގީއަށް އެންމެ ގިނަ މަސައްކަތްކުރެވުނު 5 އަހަރު
ފައްޔާޒު ފުލުހަށް ހާޒިރުކުރުން: މިއީ އަނިޔާވެރިކަމުގެ ފެށުންތަ؟
މަސްތުވާތަކެތި ބޭނުންކޮށް، ގެންގުޅެ އެތަކެތީގެ ވިޔަފާރި ކުރުމުގެ ތުހުމުގައި މީހަކު ބަންދުކޮށްފި
ސަރުކާރު ބަންދު ގިނަ ދުވަސްތަކެއް އަންނާތީ، މުއްދަތު ހަމާވާ ލައިސެންސްތަކުގެ ތާރީހުތަކަށް ބަދަލުތަކެއް
އެންމެ ޒަމާނީ ވަސީލަތްތައް ހޯދައި، ސިފައިންގެ ގާބިލުކަން އިތުރުކުރުމަށް ދަނީ ގިނަ މަސައްކަތްތަކެއް ކުރަމުން: މިނިސްޓަރު
ތުއްތުކުދިން ޤުރުއާނަށް ލޯބިޖެއްސުމަށް ޤުރުއާން މުބާރާތްތައް ކުރިޔަށް ގެންދިއުމަކީ މުހިންމުކަމެއް - ފަސްޓްލޭޑީ ސާޖިދާ
ރަމަޟާންމަހު ފަހު 10ގައި ބީއެމްއެލްއިން ހިދުމަތްދޭނެ ގަޑިތައް އާންމުކޮށްފި
ގެދޮރުވެރިކަމަށް ބޭނުންޖެހިފައިވާ ދިވެހި ސިފައިންނަށް ގެދޮރުވެރިކަން ޔަގީންކޮށްދޭނަން: ރައީސް މުއިއްޒު