މީހަކު ރަހީނު ކޮށްފަ އެއް ނުވޭ: ޕޮލިސް
15 އޮކްޓޯބަރު 2018 | ހޯމަ 13:00ފުލުހުންނަށް ވެސް މައުލޫމާތު ލިބިގެން ވަނީ ބަލާފައި
ފުލުހުންގެ އިދާރާ: މީހަކު ރަހީނު ކޮށްފަ އެއް ނުވޭ
ހުޅުމާލޭގައި ޒުވާނަކު ރަހީނުކޮށްގެން އުޅޭ ކަމަށް ދެކެވޭ ވާހަކަ އަކީ ޙަޤީގަތެއް ނޫން ކަމަށާއި މީހަކު ރަހީނު ކޮށްފައި ނުވާ ކަމަށް ފުލުހުން ބުނެފިއެވެ.
ހޮނިހިރު ދުވަހުގެ ރެއިން ފެށިގެން ސޯޝަލް މީޑިއާ ގައި ދިޔައީ 19 އަހަރުގެ ޒުވާނަކު ރަހީނުކޮށްގެން އުޅޭ ކަމަށް ތުހުމަތު ކޮށް ވާހަކަ ފަތުރަމުންނެވެ. އެ ޒުވާނާގެ ފޮޓޯ ވެސް ދިޔައީ ދައުރުވަމުންނެވެ.
މިކަމާ ގުޅިގެން ރާއްޖެ އެމްވީން ސުވާލުކުރުމުން ފުލުހުންގެ މީޑިޔާ އޮފިޝަލް ވިދާޅުވީ "އެފަދަ ކަމެއް ހިނގާފައެއް ނެތް،" ކަމަށެވެ.
ފުލުހުންގެ މީޑިޔާ އޮފިޝަލް ވިދާޅުވީ މީހަކު ރަހީނުކޮށްގެން އުޅޭ ކަމުގެ މައުލޫމާތު މޯލްޑިވްސް ޕޮލިސް ސަރވިސް އަށް ވެސް ލިބިގެން އެކަން ފުލުހުން ބެލިކަމަށާއި ނަމަވެސް އެފަދަ ކަމެއް ހިނގާފައި ނުވާކަމަށެވެ.
