މާލޭގެ ބޮޑު ސަރަހައްދަކުން ކަރަންޓް ކެނޑިއްޖެ
9 އޮކްޓޯބަރު 2018 | އަންގާރަ 14:52މާލޭގެބޮޑު ސަރަހައްދަކުން ކަރަންޓް ކެޑިފައި ވަނީ ދިމާވި ޓެކްނިކަލް މައްސަލައެއްގެ ސަބަބުން
ސްޓެލްކޯ
މާލޭގެ ބޮޑު ބަޔަކުން ކަރަންޓް ކެނޑިއްޖެއެވެ. ސްޓެލްކޯ އިން ބުނީ މާލޭގެ ބޮޑު ސަރަހައްދަކުން ކަރަންޓް ކެނޑިފައި ވަނީ ދިމާވި ޓެކްނިކަލް މައްސަލައެއްގެ ސަބަބުން ކަމަށެވެ. ސްޓެލްކޯ އިން ބުނީ ކަރަންޓް ކަނޑައިގެން ދިޔަ ސަރަހައްދުތަކަށް ކަރަންޓް ލިބޭނެ ވަކި އިރެއް ދަންނަވަން ދަތި ކަމަށާއި، މަސައްކަތް ކުރަމުންދަނީ ވީހާވެސް އަވަހަކަށް ކަރަންޓް ފޯރުކޮށްދިނުމަށް ކަމަށެވެ.
ސްޓެލްކޯއިން ކަރަންޓުގެ ޚިދުމަތް ދެމެހެއްޓެނިވި ގޮތެއްގައި ފޯރު ކޮށްދިނުމަކީ ކުންފުނީގެ އެއް އަމާޒު ކަމަށް ބުނެފައިވާއިރު، ދޭތެރެ ދޭތެރެއިން މާލޭގެ އެކި ސަރަހައްދުތަކުން ކަރަންޓު ކެނޑޭ މައްސަލައަކީ ހައްލުނުކުރެވި އޮތް ބޮޑު މައްސަލަ އެކެވެ. އަދި ރައްޔިތުންގެ ފާޑު ކިޔުން އެކުންފުންޏަށް އަމާޒުވެފައިވާ ކަމެކެވެ.
ސްޓެލްކޯއަކީ މާލެ އާއި ހުޅުމާލެ އަދި ދިވެހިރާއްޖޭގެ ބައެއް ރަށްރަށް ހިމެނޭ ގޮތަށް ރާއްޖޭގެ ބޮޑު އާބާދީއަކަށް އަސާސީ ޚިދުމަތެއްގެ ގޮތުގައި ކަރަންޓުގެ ޚިދުމަތް ފޯރުކޮށްދެމުން އަންނަ ކުންފުންޏެވެ.
