ނީތޫގެ އަސަރުގަދަ މެސެޖެއް މައިދައިތަ ކްރިޝްނާ ރާޖް ކަޕޫރަށް

ނީތޫ ކަޕޫރުގެ ހިތުގައި މައިދައިތަ ކްރިޝްނާ ރާޖް ކަޕޫރަށް އަބަދު ވެސް ޚާއްސަ ޖާގައެއް ދެވިފައި ވާނޭކަމަށް އޭނާ ބުނެފިއެވެ.

މިދިޔަ ހޯމަ ދުވަހު މަރުވި ނީތޫގެ ފިރިމީހާ ރިޝީ ކަޕޫރުގެ މަންމަ ގެ ޖަނާޒާގައި ބައިވެރި ނު ވެވުނީ ރިޝީ އާއި އެކު ބޭސްފަރުވާއަށް ޔޫ އެސް އަށް ގޮސް ހުރުމުންނެވެ.

ނީތޫ މައިދައިތަ އާއި އެކު އިންސްޓަގްރާމް ކޮށްފައިވާ ޕޮޓޯއެއްގެ ކެޕްޝަންގައި ލިޔެފައި ވަނީ އޭނާގެ ހިތުގައި މައިދައިތައަށް އަބަދުވެސް ޚާއްސަ ޖާގައެއް ދެވިފައިވާ ކަމަށާއި ކްރިޝްނާ ވަރުގެ ދެވަނަ މީހަކު ނެތް ކަމަށެވެ. އަދި ކްރިޝްނާ ދެކެ ވަރަށް ލޯބިވާ ވާހަކަ އާއި އޭނާ އަކީ ބެސްޓްފްރެންޑް ކަމަށް ވެސް ވަނީ ބުނެފައެވެ.

ނީތޫ އާއި އޭނާގެ މައިދައިތަ އާއި ދެމެދު ދަނީ ގާތް ގުޅުމެއް ބާއްވާ އެކުގައި ދަތުރުތައް ކޮށް ހަދަމުންނެވެ.

މިއަހަރުގެ ޖުލައި މަހު ނީތޫ އޭނާގެ އުފަންދު ވަސް އާއިލާއެކު ޕެރިހުގައި ފާހަގަ ކުރިއިރު ކްރިޝްނާ ވެސް ވަނީ ބައިވެރި ވެފައެވެ.

ކްރިޝްނާ އަކީ ލެޖެންޑްރީ ބޮލީވުޑް އެކްޓަރ އަދި ފިލްމް މޭކަރ ރާޖް ކަޕޫރުގެ ހުވަފަތް އަނބިމީހާއެވެ.

ހޯމަ ދުވަހު ހެނދުނު ކްރިޝްނާ މަރުވެފައި ވަނީ ހާޓް އެޓޭކެއް ޖެހިގެންނެވެ.

އޭނާ މަރުވިއިރު ފަސްކުދިން ދުނިޔޭގައި ތިއްބެވެ. އެއީ ރަންދީރް ކަޕޫރާއި، ރިޝީ ކަޕޫރާއި، ރާޖީވް ކަޕޫރާއި ދެ އަންހެން ދަރިން ކަމަށްވާ ރިތޫ ނަންދާ އަދި ރީމާ ކަޕޫރު ޖާއިން އެވެ.