ކ. މާލެ
|
26 ސެޕްޓެންބަރ 2018 | ބުދަ 11:02
ކޮމީޑިއަން ބިލް ކޮސްބީ
ކޮމީޑިއަން ބިލް ކޮސްބީ
ފޮކްސް ނިއުސް
ޖިންސީ ފުރައްސާރަ
ޖިންސީ ފުރައްސާރައިގެ މައްސަލައިގައި ކޮމީޑިއަން ބިލް ކޮސްބީ ޖަލަށްލާން ހުކުމްކޮށްފި
 
ކޮސްބީގެ މައްޗަށް އަންނަނީ ތިން އަހަރާއި 10 އަހަރާއި ދެމެދުގެ ހުކުމެއް

މަޝްހޫރު ކޮމީޑިއަން ބިލް ކޮސްބީ ތިން އަހަރާއި 10 އަހަރާއި ދެމެދުގެ މުއްދަތަކަށް ޖަލަށްލުމަށް ޕެންސެލްވޭނިއާގެ ކޯޓުގެ ފަނޑިޔާރު ހުކުމް ކުރައްވައިިފިއެވެ.

އުމުރުން 81 އަހަރުގެ ކޮސްބީ ކެޓަގަރީ ކޮށްފައިވަނީ ޖިންސީ ގޯނާކުރާ މީހެއްގެ ގޮތުގައި ކަމަށްވާއިރު އޭނާ ލިސްޓު ކުރެވިގެންދާނީ ފުރައްސާރަކުރާ މީހުންގެ ލިސްޓުގައެވެ. އަދި އުމުރަށް ކައުންސެލިން ދެވެން ޖެހޭ މީހެއްގެ ގޮތުގައެވެ.

ހުކުމާ ބެހޭ ގޮތުން އެއްޗެއް ބުނުމަށް ފުރުސަތު ދިނުމުން އޭނާވަނީ އެކަމަށް އިންކާރުކޮށްފައެވެ.

އޭޕްރީލް މަހު ޝަރީއަތް އަލުން ހިންގުމަށް ފަހު ކޮސްބީގެ މައްޗަށް ވަނީ ތިން ކުށެއް ސާބިތުކޮށްފައެވެ. އެންޑްރިއާ ކޮންސްޓަންޑް އަށް 2004 ވަނަ އަހަރު މަސްތުވާތަކެތި ދީ އަދި ގޯނާ ކުރިކަން ވަނީ ސާބިތުވެފައެވެ.

ކޮސްބީ މަޝްހޫރުވެގެން ދިޔައީ 1980ގެ ތެރޭގައި އެމެރިކާގައި ގެނެސްދެމުންދިޔަ ކޮސްބީ ޓީވީ ޝޯގެ ތެރެއިންނެވެ. ބްރޫކްލިންގައި ދިރިއުޅޭ އެފްރިކަން އެމެރިކަން ދަރިކޮޅުގެ އާއިލާއެއްގައި ބައްޕައެއްގެ ދައުރު ދައްކުވައިދޭ ރޯލް އަދާކޮށްފައިވާއިރު އެމެރިކާގެ ބައްޕަގެ ނަމުން އޭނާއަށް މުޚާތަބުކުރެވެއެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: އަލީ ޔޫސުފް
0%
0%
0%
0%
0%
0%
ކޮމެންޓް