އިންތިޚާބުގެ އޮތް ދުވަހުގެ ކަންތަށް ރަނގަޅު: އިންޓަނޭޝަނަލް އޮބްޒާރވާރސް
24 ސެޕްޓެމްބަރު 2018 | ހޯމަ 14:3130 އޮބާޒާރވަރުން ހަރަކާތްތެރިވި
ރިޔާސީ އިންތިޚާބު 2018ގެ ތެރެއިން
އިންތިޚާބު އޮތް ދުވަހު ކަންތަށް ދިޔައީ ރަނގަޅަށް ކަމަށް އާދީއްތަ ދުވަހު ރާއްޖޭގައި ބޭއްވި ރިޔާސީ އިންތިޚާބު އޮބްޒަރވް ކުރި ބައިނަލްއަގުވާމީ އޮބްޒާރވާރުން ބުނެފިއެވެ.
އިންޓަރނޭޝަނަލް އޮބްޒާރވާސް ޓީމުން ހޯމަ ދުވަހު ހޮޓެލް ޖެންގައި ބޭއްވި ނޫސްވެރިންގެ ބައްދަލުވުމުގައި ވާހަކަދައްކަވަމުން ވިދާޅުވީ އިންތިޚާބު އޮތް ދުވަހު ކަންތަށް ދިޔައީ ރަނގަޅަށް ކަމަށާއި، އިލެކްޝަންސް ކޮމިޝަނުގެ ކަންތައްތައް ރަނގަޅު ކަމަށެވެ.
އާދީއްތަ ދުވަހު ބޭއްވި ރިޔާސީ އިންތިޚާބުގައި އެއްވެސް ހަމަޖެހުމެއް ނުހިނގާ ކަމަށާއި، މުޅި އިންތިޚާބުގެ ކަންތައްތައް ފާހަގަވެފައިވަނީ އަމަން އޮމާންކޮށް ކަމަށެވެ.
އޮބްޒަރވަރުންގެ ވާހަކަތައް މިހެން ހުރި ނަމަވެސް، ނޫސްވެރިންގެ ބައްދަލުވުމުގައި ވާހަކަދައްކަވަމުން އަވަށްޓެރި ސްރީލަންކާގެ އިލެކްޝަންސް ކޮމިޝަންގެ ފަރާތުން އިންތިޚާބުގެ ކަންތައްތައް ބެލުމުގައި ހަރަކާތްތެރިވި މެމްބަރު ވިދާޅުވީ އިންތިޚާބުގެ ކަންތަށް ދިޔައީ އެންމެ އިންސާފުވެރިކޮށް ކަމަށް އެމަނިކުފާނު ޤަބޫލުފުޅު ނުކުރައްވާ ކަމަށެވެ.
30 އަށް ވުރެ ގިނަ އޮބްޒާވަރުން އިންތިޚާބުގައި ކަންތަށް ބެލުމުގައިވަނީ ހަރަކާތްތެރިވެފައެވެ.
ރިޔާސީ އިންތިޚާބުގެ ކަންތަށް ކަވަރު ކުރުމަށް ބައިނަލްއަގްވާމީ ގިނަ ނޫސްވެރިންނަށް ވިސާ ނުލިބިގެން "އައިއެފްޖޭ" އިންވަނީ ކަންބޮޑުވުން ފާޅުކޮށްފައެވެ.
